ഫിക്സഡ് ഡെപ്പോസിറ്റുകൾക്കു എച്ച് ഡി എഫ് സി ബാങ്ക് പലിശ ഉയർത്തിയതിനു പിന്നാലെ ഐ.സി.ഐ.സി.ഐ. ബാങ്കും റീട്ടെയിൽ ഡെപ്പോസിറ്റ് പലിശനിരക്കുകൾ 25 ബേസിസ് പോയിന്റുകൾ ഉയർത്തി.ഒരു കോടി രൂപയിൽ കുറഞ്ഞ സ്ഥിരനിക്ഷേപത്തിന് പുതിയ പലിശ നവംബർ 15 മുതൽ ബാധകമായിരിക്കും.പുതിയ നിരക്ക്ഐ പ്രകാരം ഐ സി ഐ സി ഐ ബാങ്ക് 2 വർഷം മുതൽ മൂന്നു വർഷത്തേക്ക് ഉള്ള എല്ലാ എ.ഫ്ഡി.കൾക്കും 7.5 ശതമാനം പലിശ നൽകും. ഐ.സി.ഐ.സി.ഐ ബാങ്ക് വിവിധ കാലയളവുകളിൽ ലഭ്യമാക്കുന്ന ഏറ്റവും ഉയർന്ന പലിശ നിരക്കാണിത്.ഒരു വർഷം മുതൽ 389 ദിവസം വരെയുള്ള നിക്ഷേപങ്ങൾക്ക് പലിശ നിരക്ക് 6.9 ശതമാനമാണ്. ഇത് 15 ബേസിസ് പോയിൻറാണ് ഉയർത്തിയത് .
"ആകർഷകമായ പലിശ നിരക്കും ഉറപ്പുള്ള വരുമാനവും ഉഭഭോക്താക്കൾക്കു നൽകിയാൽ സ്ഥിര നിക്ഷേപങ്ങളിൽ നിക്ഷേപിക്കാൻ ഉപഭോക്താവിന് താല്പര്യം ഉണ്ടാകും "എന്ന് ഐ.സി.ഐ.സി.ഐ. ബാങ്ക് സീനിയർ ജനറൽ മാനേജർ പ്രണവ് മിശ്ര പറഞ്ഞു.ഐ.സി.ഐ.സി.ഐ ബാങ്ക് കാലാവധിയുള്ള നിക്ഷേപങ്ങൾകുള്ള അവസരവും ഉഭഭോക്താവിന് നൽകുന്നുണ്ട്. 7 ദിവസം (4% പലിശനിരക്ക്) മുതൽ 10 വർഷം വരെ (7% പലിശനിരക്ക്). ഐസിഐസിഐ ബാങ്കിന്റെ പുതിയ ഫിക്സഡ് ഡിപ്പോസിറ്റ് നിരക്കുകൾ നവംബർ 15 മുതൽ പ്രാബല്യത്തിൽ വരും.