ഡിജിറ്റൽ പേയ്മെന്റ് സർവീസ് പേടിഎം ലൈഫ് ഇൻഷുറൻസ് കോർപ്പറേഷനുമായി സാഹകരിച്ചു കൊണ്ട്, ഉപഭോക്താക്കൾക്ക് ഇൻഷുറൻസ് പ്രീമിയം പെയ്മെന്റുകൾ പേടിഎം വഴി നടത്താൻ സൗകര്യം ഒരുക്കുന്നു.
പേടിഎം ബ്രാൻഡ് ഉടമസ്ഥരായുള്ള ഒംറോ 97 കമ്മ്യൂണിക്കേഷൻസ് ലിമിറ്റഡ് ആണ് ഈ കാര്യം അറിയിച്ചത് .
പേടിഎം വഴി അടയ്ക്കാം
എൽ.ഐ.സി, ഐ.സി.ഐ.സി.ഐ. പ്രുഡൻഷ്യൽ ലൈഫ്, റിലയൻസ് ലൈഫ്, മാക്സ് ലൈഫ് ഇൻഷുറൻസ് , എച്ച്ഡി.എഫ്.സി. ലൈഫ്, ടാറ്റ എ.ഐ.എ, എസ്.ബി.ഐ ലൈഫ്, ആദിത്യ ബിർള സൺ ലൈഫ്, കാനറ എച്ച്.എസ്.ബി.സി. ലൈഫ് ഇൻഷുറൻസ്, ശ്രീ റാം ലൈഫ്,സ്റ്റാർ ഹെൽത്ത് തുടങ്ങി 30 ഇൻഷുറൻസ് കമ്പനികളുടെ ഇൻഷുറൻസ് പ്രീമിയം പേടിഎം വഴി അടയ്ക്കാം എന്ന് കമ്പനി അറിയിച്ചു .
പ്രീമിയങ്ങൾ
ഇൻഷുറൻസ് പ്രീമിയങ്ങൾ നമ്മുടെ രാജ്യത്ത് ഓഫ്ലൈൻ മോഡിൽ കൂടുതലായും ആളുകൾ അടയ്ക്കുന്നത്.ഞങ്ങളുടെ ഉപഭോക്താക്കൾക്ക് തടസ്സമില്ലാത്ത പേയ്മെൻറ് നടത്താൻ സാധിക്കണം " പേടിഎം ചീഫ് ഓപ്പറേറ്റിങ് ഓഫീസർ കിരണ് വസിറെഡ്ഡി തന്റെ പ്രസ്താവനയിൽ പറഞ്ഞു
ഉപഭോക്താക്കൾ
ഓൺലൈൻ പെയ്മെൻറ് ഉപഭോക്താക്കൾക്ക് എത്ര മാത്രം ഉപകാരപ്രദമാണെന്നു ജനങ്ങൾക്ക് ബോധവൽക്കരണം നൽകുമെന്നും,അദ്ദേഹം കൂട്ടി ചേർത്തു .