ഇന്ത്യൻ പ്രവാസികൾ

രജിസ്‌ട്രേഷൻ പൂർത്തിയാക്കാത്തവർക്ക് ഇന്ത്യയിൽനിന്ന് വിമാനം കയറാൻ സാധിക്കില്ല.യു.എ.ഇ. ഉൾപ്പെടെ 18 വിദേശരാജ്യങ്ങളിൽ ജോലി ചെയ്യുന്ന ഇന്ത്യൻ പൗരന്മാരാണ് രജിസ്റ്റർ ചെയ്യേണ്ടത്.ഈ രാജ്യങ്ങളിൽ നിലവിൽ ജോലി ചെയ്യുന്നവർക്കും ഇതു ബാധകമാകും. ഈ രാജ്യങ്ങളിൽ ജോലിചെയ്യുന്ന ഇന്ത്യൻ പ്രവാസികൾക്ക് നാട്ടിൽ പോകുന്ന സമയത്ത് www.emigrate.gov.in എന്ന വെബ്‌സൈറ്റിൽ രജിസ്റ്റർ ചെയ്യാം.

വിദേശകാര്യവകുപ്പ്

തിരിച്ചുവരുന്നതിന് 21 ദിവസംമുമ്പുമുതൽ 24 മണിക്കൂർമുമ്പുവരെ രജിസ്‌ട്രേഷന് സമയമുണ്ട്. വ്യക്തിപരമായ വിവരങ്ങൾ, തൊഴിലുടമയുടെ വിവരങ്ങൾ,വിസ സംബന്ധിച്ച വിശദാംശങ്ങൾ, വിദേശത്തെ വിലാസം എന്നിവയെല്ലാം രജിസ്‌ട്രേഷൻസമയത്ത് നൽകണം

ഇ-മെയിൽ സന്ദേശങ്ങൾ

രജിസ്‌ട്രേഷൻ പൂർത്തിയാകാത്തവരെ വിമാനത്താവളത്തിൽനിന്ന് തിരിച്ചയയ്ക്കുമെന്നും വിദേശകാര്യവകുപ്പ് വ്യക്തമാക്കി. രജിസ്‌ട്രേഷൻ പൂർത്തിയാകുമ്പോൾ അറിയിപ്പായി അപേക്ഷകന് എസ്.എം.എസ്., ഇ-മെയിൽ സന്ദേശങ്ങൾ ലഭിക്കും. ഇത് വിമാനത്താവളത്തിൽ കാണിച്ചാൽമാത്രമേ വിമാനത്തിൽ കയറാൻ സാധിക്കുകയുള്ളൂ.