ഇന്ത്യയുടെ സാങ്കേതികവിദ്യകളിൽ ഉൾപ്പെടെ നിരവധി മേഖലകളിൽ നിക്ഷേപം നടത്താൻ സൗദി അറേബ്യ ഒരുങ്ങുന്നു അടുത്ത രണ്ടു വർഷത്തിനുള്ളിൽ കൃഷിയിലും ഊർജ്ജത്തിലും നിക്ഷേപങ്ങൾ നടത്താൻ സൗദി അറേബ്യ ആലോചിക്കുന്നുണ്ട്. സൌദി കിരീടാവകാശി മുഹമ്മദ് ബിൻ സൽമാനും പ്രധാനമന്ത്രി നരേന്ദ്രമോഡിയും തമ്മിൽ നടന്ന കൂടിക്കാഴ്ചയ്ക്ക് ശേഷം ഇന്ത്യയുടെ മുതിർന്ന ഉദ്യോഗസ്ഥൻ ആണ് ഈ വിവരം അറിയിച്ചത് ,ബ്യൂണസ് അയേഴ്സിലെ ജി 20 സമ്മേളനത്തിൽ ഇരുവരും കൂടിച്ചേരുകയും സാമ്പത്തിക സഹകരണം വർധിപ്പിക്കാൻ തീരുമാനിക്കുകയും ചെയ്തു.

അടുത്ത രണ്ട് മൂന്ന് വർഷത്തിനുള്ളിൽ ഇന്ത്യയിലെ സൗദി നിക്ഷേപങ്ങളുടെ കാര്യത്തിൽ ഗണ്യമായ വർധനയുണ്ടാകുമെന്ന് പ്രതീക്ഷിക്കുന്നു എന്ന് ഇന്ത്യൻ വിദേശകാര്യ സെക്രട്ടറി വിജയ് ഗോഖലെ പറഞ്ഞു.