ഹോട്ടല്‍ മുറികള്‍

മുംബൈയിൽ മാത്രമല്ല രാജ്യത്തെല്ലായിടത്തും ഒയോ ഇതേ രീതിയിലാണ് പ്രവർത്തിക്കുന്നതെന്നാണ് അന്വേഷിച്ചപ്പോൾ അറിയാൻ കഴിഞ്ഞതാണെന്നാണ് ഇവർ പറയുന്നത്. ഒയോ റൂംസിന്റെ ചൂഷണത്തിനെതിരെ അഖിലേന്ത്യാടിസ്ഥാനത്തിൽ തന്നെ ഒത്തുകൂടാൻ ബജറ്റ് ഹോട്ടൽ അസോസിയേഷൻ തീരുമാനിച്ചിരിക്കയാണ്'.നിലവില്‍ രാജ്യത്തൊട്ടാകെ ഒയോയിലൂടെ 1,80,000 ഹോട്ടല്‍ മുറികള്‍ ലഭ്യമാണ്. കൂടാതെ വിപുലീകരണത്തിൽ ഭാഗമായി ഒയോയുടെ സേവനം അപ്പാര്‍ട്ടുമെന്‍റ് മേഖലയിലേക്ക് കൂടി വ്യാപിപ്പിക്കുവാൻ പദ്ധതിയിട്ടിരിക്കുന്ന സമയത്താണ് പരാതിയുമായി ഹോട്ടൽ വ്യവസായികൾ രംഗത്തെത്തിയിരിക്കുന്നത്.

അസോസിയേഷൻ

കഴിഞ്ഞ രണ്ടുമാസത്തിനുള്ളിൽ തന്നെ 10 മുതൽ 15 ലക്ഷം വരെ ഒയോ റൂംസിൽനിന്ന്‌ ലഭിക്കാനുള്ള ഹോട്ടലുകൾ ഒട്ടേറെയാണ്. നേരത്തേകരാറിൽ പറഞ്ഞ തുക തരാൻ കഴിയില്ലെന്ന് ചൂണ്ടിക്കാട്ടിയാണ് ഇവർ പിന്നീട് വില പേശുന്നതും തരുന്ന തുക കുറയ്ക്കുന്നതെന്നും അസോസിയേഷൻ ട്രഷറർ ഷാഹുൽ ഹമീദ് പറഞ്ഞു.

ഒയോ റൂംസ്

ഇത്തരം പ്രവർത്തികൾക്കെതിരേ രാജ്യവ്യാപകമായി നടപടി സ്വീകരിക്കാനും അസോസിയേഷന്റെ പ്രവർത്തനമണ്ഡലം വിപുലീകരിക്കാനും തീരുമാനിച്ചിരിക്കയാണെന്നും ഭാരവാഹികൾ പറഞ്ഞു.അതേസമയം പലതവണ ശ്രമിച്ചിട്ടും ഇതേ കുറിച്ച് പ്രതികരിക്കാൻ ഒയോ റൂംസ് പ്രതിനിധികൾ തയ്യാറായില്ല. റിതേഷ് അഗർവാൾ എന്ന യുവ സംരംഭകൻ തുടക്കമിട്ട ഓൺലൈൻ സംരംഭത്തിന് വലിയ സ്വീകാര്യതയായിരുന്നു തുടക്കത്തിൽ ലഭിച്ചിരുന്നത്.