എല്ലാ ദരിദ്ര കുടുംബങ്ങൾക്കും സൗജന്യ എൽപിജി ഗ്യാസ് കണക്ഷനുകൾ ലഭ്യമാക്കുന്ന പ്രധാന മന്ത്രി ഉജ്വല യോജന കൂടുതൽ ഉപപോക്താക്കളിലേക്ക് എത്തിക്കുക എന്ന ലക്ഷ്യത്തോടെ തിങ്കളാഴ്ച ചേർന്ന ക്യാബിനറ്റിൽ ഒരു കോടി കൂടുതൽ കുടുംബങ്ങളെ കൂടി പദ്ധതിയിൽ ഉൾപ്പെടുത്തി .സാമ്പത്തിക കാര്യങ്ങൾക്കായുള്ള ക്യാബിനറ്റ് കമ്മിറ്റി (സി.സി.ഇ.എ) ദരിദ്ര കുടുംബങ്ങൾക്ക് സൗജന്യ എൽ.പി.ജി. കണക്ഷനുകൾ വിതരണം ചെയ്യാൻ പെട്രോളിയം മന്ത്രാലയത്തോടു നിർദേശിച്ചു.പ്രധാന മന്ത്രിയുടെ ഉജ്വല യോജന (പി.എം.യു.വൈ) പ്രകാരം പാചകവാതക കണക്ഷനുള്ള ഇളവുകൾ നേരത്തെ ഇവർക്കായി കണക്കാക്കിയിരുന്നില്ല.സാമൂഹ്യ-സാമ്പത്തിക ജാതി സെൻസസ് (എസ്സിസി) ലിസ്റ്റിലോ മറ്റു ഏഴ് വിഭാഗങ്ങളുടെ ലിസ്റ്റിലോ അവരുടെ പേരുകൾ ഇല്ലാതിരുന്നതാണ് കാരണം.

എല്ലാ ദരിദ്ര കുടുംബങ്ങൾക്കും 'എൽപിജി ഗ്യാസ് കണക്ഷനുകൾ ലഭ്യമാക്കുക എന്ന ലക്ഷ്യത്തോടെ 2016 മെയ് ഒന്നാം തീയതിയാണ് ഈ പദ്ധതി ആരംഭിച്ചത് . ഇന്ത്യാ ഗവൺമെൻറിൻറെ സഹായത്തോടെ, ഓയിൽ മാർക്കറ്റിങ് കമ്പനികളുടെ സ്റ്റൗ വാങ്ങാനുള്ള സൗകര്യവും പലിശരഹിത വായ്‌പ്പയും പദ്ധതിയിലൂടെ ലഭിക്കുന്നു. എട്ട് കോടി കണക്ഷനുകൾ നൽകുക എന്ന ലക്ഷ്യത്തോടെ ആരംഭിച്ച പദ്ധതിയുടെ കീഴിൽ ഇപ്പോൾ 5.86 കോടിയിലധികം എൽ.പി.ജി. കണക്ഷനുകൾ വിതരണം ചെയ്തിട്ടുണ്ട് എന്ന് ഔദ്യോഗിക കണക്കുകൾ പറയുന്നു . 5.6 കോടിയിൽ 48 ശതമാനം പേരും പട്ടികജാതി പട്ടികവർഗ്ഗ വിഭാഗത്തിൽപ്പെട്ടവരാണ്.