ബാങ്കിംഗ് പ്രവർത്തനങ്ങൾ ഇന്നും തടസപ്പെടും. ബാങ്ക് ഓഫ് ബറോഡയ്ക്കൊപ്പം വിജയാ ബാങ്ക്, ദേന ബാങ്ക് എന്നിവയുടെ ലയനത്തിന് എതിരായി പ്രതിദിനം 10 ലക്ഷം തൊഴിലാളികൾ വിവിധ സ്വകാര്യ പൊതുമേഖലാ ബാങ്കുകളിൽ പണിമുടക്കുന്നു.ബാങ്ക് ഓഫീസര്‍മാരുടെയും ജീവനക്കാരുടെയും ഒമ്പത് പ്രധാന യൂണിയനുകളുടെയും ഐക്യവേദി സംയുക്തമായാണ് ഈ ആഹ്വാനം നല്കിയിരിക്കുന്നത് എന്നതിനാല്‍,സ്വാഭാവികമായും ബാങ്കിംഗ് മേഖല അക്ഷരാര്‍ത്ഥത്തില്‍ നിശ്ചലമാവും.

രാജ്യവ്യാപകമായ പണിമുടക്ക് ഡെപ്പോസിറ്റുകൾ , ബ്രാഞ്ചുകളിൽ നിന്ന് പണം പിൻവലിക്കൽ, ചെക്ക് ക്ലെയിമുകൾ, ഡിമാൻഡ് ഡ്രാഫ്റ്റുകൾ വിതരണം ചെയ്യൽ തുടങ്ങിയ സേവനങ്ങൾക്ക് തടസം സൃഷ്ടിക്കും . ദേനാ ബാങ്കും വിജയാ ബാങ്കും ബാങ്ക് ഓഫ് ബറോഡയില്‍ ലയിപ്പിക്കാനുള്ള ആവശ്യത്തില്‍ നിന്ന് പിന്മാറണമെന്നതാണ് പ്രധാന ആവശ്യമെങ്കിലും ബാങ്കിംഗ് മേഖലയില്‍ നരേന്ദ്ര മോദി സര്‍ക്കാര്‍ അധികാരത്തില്‍ വന്നതിനു ശേഷമുണ്ടായ നിരവധി വിഷയങ്ങളും, കിട്ടാക്കടം തിരിച്ചു പിടിക്കുന്നതടക്കമുള്ള കാര്യങ്ങള്‍ ഐക്യവേദി മുന്നോട്ടു വയ്ക്കുന്നുണ്ട്‌. ഇന്നലെ ക്രിസ്തുമസ് പ്രമാണിച്ച് ബാങ്ക് അവധിയായിരുന്നു. എടിഎമ്മുകള്‍ പ്രവര്‍ത്തിക്കും എന്നും ഐക്യവേദി വ്യക്തമാക്കിയിട്ടുണ്ട്.