ഫ്ലിപ്കാർട്ട്, ആമസോൺ തുടങ്ങിയ കമ്പനികൾ തങ്ങളുടെ ഉടമസ്ഥതയിലുള്ള കമ്പനികളുടെ ഉത്പന്നങ്ങൾ എസ്‌ക്ലൂസിവ് ഓഫറുകൾ നൽകി വിൽക്കുന്നതിനു സർക്കാർ വിലക്ക് ഏർപ്പെടുത്തി. ഇ-കൊമേഴ്‌സ് മേഖലയ്ക്കാകെ ബാധകമാകുന്ന നിയമമാണ് നിലവിൽ വരുന്നത്.സര്‍ക്കാര്‍ നയത്തില്‍ ഇ- കൊമേഴ്സ് മേഖലയിലെ വ്യാപാരത്തിന് ഏതെല്ലാം നികുതികള്‍ നടപ്പാക്കണമെന്ന വ്യക്തമായ വ്യവസ്ഥകളുണ്ടാവും.

ഇ- കൊമേഴ്സ് ബിസിനസിന്‍റെ ഇങ്ങനെ നിര്‍ണ്ണയിക്കണമെന്നും നയത്തിലൂടെ വ്യക്തമാക്കും. ഈ മേഖലയിലെ കിടമത്സരങ്ങള്‍ കുറയ്ക്കുക, വിദേശ നിക്ഷേപത്തിനുളള നിയന്ത്രണങ്ങള്‍ ഏര്‍പ്പെടുത്തുക, ഉപഭോക്താക്കളുടെ അവകാശങ്ങള്‍ക്ക് സംരക്ഷണം നല്‍കുക എന്നിവയെപ്പറ്റി പുതിയ നയം വ്യക്തമായ നിര്‍വചനം നല്‍കും.ഇപ്പോള്‍ ഉപഭോക്താക്കള്‍ക്ക് ലഭിച്ചുപോരുന്ന വിലക്കിഴിവുകളില്‍ മാറ്റങ്ങളിലുണ്ടാവുമെങ്കിലും, ഉപഭോക്താക്കളുടെ അവകാശങ്ങള്‍ക്ക് കൂടുതല്‍ സംരക്ഷണം നല്‍കുന്ന തരത്തിലാവും നയം സര്‍ക്കാര്‍ നടപ്പാക്കുക.