മുംബൈ: അവസാന ഒരു മണിക്കൂറിലെ വില്പ്പന സമ്മര്ദ്ദത്തെ തുടര്ന്ന് സെന്സെക്സ് 300 പോയിന്റിലേറെയും നിഫ്റ്റി 90 പോയിന്റില് അധികവും താഴോട്ടിറങ്ങി.
ഓട്ടോമൊബൈല്, ബാങ്ക്, ഇന്ഫ്രാസ്ട്രക്ചര്, ഐടി മേഖലയിലെ ഓഹരികള്ക്കാണ് കാര്യമായ നഷ്ടം സംഭവിച്ചത്. മുംബൈ സൂചിക 336.17 പോയിന്റ് താഴോട്ടിറങ്ങി 36108.47ലും നിഫ്റ്റി 91.25 പോയിന്റ് ഇടിഞ്ഞ് 10831.50ലുമാണ് വില്പ്പന അവസാനിപ്പിച്ചത്.
ഐടിസി ലിമിറ്റഡ്, ഗ്രാസിം ഇന്ഡസ്ട്രീസ്, ഇന്ത്യാ ബുള്സ് ഹൗസിങ്, ടൈറ്റാന് കമ്പനി, ഇന്ഫോസിസ് ഓഹരികള്ക്ക് നഷ്ടം നേരിട്ടു. സണ് ഫാര്മ, യെസ് ബാങ്ക് , സീ എന്റര്ടെയ്ന്മെന്റ്, ടാറ്റാ സ്റ്റീല്, വിപ്രോ ഓഹരികള് ചെറിയ തോതില് തിളങ്ങി.
ആഗോള സാമ്പത്തിക മേഖലയിലെ പ്രശ്നങ്ങളും മൂന്നാം പാദത്തിലെ സാമ്പത്തിക ഫലങ്ങളുമാണ് വിപണിയെ സ്വാധീനിച്ചതെന്നു പറയാം. സാമ്പത്തിക വളര്ച്ചാ നിരക്കിനെ കുറിച്ചുള്ള ഐഎംഎഫ് റിപ്പോര്ട്ട് പുറത്തിറങ്ങിയതു മുതല് ഏഷ്യന് വിപണികളില് സമ്മര്ദ്ദം ശക്തമാണ്. ഡോളറിനെതിരേ രൂപ കരുത്താര്ജ്ജിച്ചതും ക്രൂഡ് ഓയില് വിലയിലുണ്ടായ ചാഞ്ചാട്ടവും വില്പ്പനയെ സ്വാധീനിച്ചു.