കേന്ദ്ര ബജറ്റിൽ ഗോ സംരക്ഷണത്തിന് 750 കോടി രൂപ വകയിരുത്തി.രാഷ്ട്രീയ ഗോകുല്‍ മിഷന്‍ എന്നാണ് പദ്ധതിയുടെ പേര്.

കേരളത്തിലെ വെച്ചൂര്‍ ഉള്‍പ്പെടെയുള്ള തനത് പശു ഇനങ്ങളെ സംരക്ഷിക്കാനുള്ള 500 കോടി രൂപയുടെ രാഷ്ട്രീയ ഗോകുല്‍ മിഷന്‍ നേരത്തെ നിലവിൽ വന്ന പദ്ധതിയാണ്.എല്ലാ സംസ്ഥാനങ്ങളിലും 1000 പശുക്കള്‍ വീതമുള്ള ഗോകുല്‍ ഗ്രാമങ്ങളും കാര്‍ഷിക കൂട്ടായ്മയായ ഗോപാലക് സംഘങ്ങളും പദ്ധതിയുടെ ഭാഗമായി നടപ്പിലാക്കാനായിരുന്നു തീരുമാനം .

ലോകത്തെ ഏറ്റവും വലിയ പാല്‍ ഉത്പാദക രാജ്യമായ ഇന്ത്യയില്‍ ഈ മേഖലയില്‍ നടപ്പാക്കുന്ന ഏറ്റവും വലിയ പദ്ധതിയാണ് രാഷ്ട്രീയ ഗോകുല്‍ മിഷന്‍ . പൊതു സ്വകാര്യ പങ്കാളിത്തതോടെയാണ് നടപ്പാക്കാനായി . പന്ത്രണ്ടാം പദ്ധതിയില്‍ പെടുത്തി 2014 ൽ തന്നെ 150 കോടി രൂപ പദ്ധതിക്ക് അനുവദിച്ചിരുന്നു.