പ്രതീക്ഷിച്ചിരുന്ന ഒട്ടുമിക്ക ക്ഷേമപദ്ധതികലും പ്രഖ്യാപിച്ചു. സഭ ഇന്നേക്ക് പിരിഞ്ഞു.

2.4 രൂപ വരെയുള്ള വാടകയ്ക്ക് നികുതിയില്ല

കാപ്പിറ്റൽ ഗെയിൻ ടാക്സ് ആനുകൂല്യം നീട്ടി. രണ്ട് വീടുകൾക്ക് മെച്ചം കിട്ടും. ജീവിതത്തിൽ ഒരു തവണ ഇത് ലഭിക്കും.

രണ്ട് ലൊക്കേഷനിൽ വീടുള്ളവർക്ക് റെന്റ് ആനുകൂല്യം. ബാങ്ക്-പോസ്റ്റ് ഓഫീസ് ഡിപ്പോസിറ്റ് നികുതി പരിധി പതിനായിരത്തിൽ നിന്നും 40000 രൂപയാക്കി ഉയർത്തും.

അഞ്ച് ലക്ഷം വരെ വരുമാനം ഉള്ളവർക്ക് പരിപൂർണമായും നികുതി ഒഴിവാക്കി. ഹോം ലോൺ പലിശ, വിദ്യാഭ്യാസ ലോൺ എന്നീ ആനുകൂല്യങ്ങൾ കൂടി പരിഗണിക്കുമ്പോൾ കൂടുതൽ ഇളവ് ലഭിക്കും. മൂന്നു കോടി നികുതി ദായകർക്ക് ആനുകൂല്യം ലഭിക്കും.

അഞ്ച് ലക്ഷം വരെ നികുതിയില്ല, ആദായനികുതി പരിധിയിൽ മാറ്റം വരുത്തി.

കള്ളപ്പണം തടയാൻ ഒട്ടേറെ ശ്രമങ്ങൾ നടത്തി. നോട്ട് നിരോധനവും ഇതിന്റെ ഭാഗമായിട്ടായിരുന്നു. നികുതി വരുമാനത്തിൽ വൻ വർധനവുണ്ടാക്കാൻ ഈ നീക്കത്തോടെ സാധിച്ചു

ഓഹരി വിപണി നേട്ടത്തിൽ. സെൻസെക്സും നിഫ്റ്റിയും നേട്ടത്തോടെ വിൽപ്പന തുടരുകയാണ്

എല്ലാ ആദായനികുതി റിട്ടേണുകളും 24 മണിക്കൂറിനുള്ളിൽ ഓൺലൈനായി വെരിഫൈ ചെയ്യും. അനോണിമസ് ആയ വെരിഫൈ സംവിധാനം കൊണ്ടു വരും

മൂവി പൈറസി തടയാൻ നിലവിലുള്ള നിയമം ഭേദഗതി ചെയ്യും. വിനോദമേഖലയ്ക്ക് കൂടുതൽ ആനുകൂല്യങ്ങൾ പ്രഖ്യാപിച്ചു

ഗ്രാറ്റുവിറ്റി പരിധി കൂട്ടി. അങ്കണവാടി-ആശാ വർക്കേഴ്സ് വേതനം കൂട്ടി

റെയിൽവേയ്ക്കായി 64587 കോടി രൂപ. രാജ്യത്തെ മുഴുവൻ ആളില്ലാ റെയിൽവേ ഗേറ്റുകളും ഇല്ലാതാക്കി.

പ്രതിരോധമേഖലയ്ക്ക് വകയിരുത്തിയിരിക്കുന്നത് 3ലക്ഷം കോടി രൂപയിൽ അധികം

നാഷണൽ ആർട്ടിഫിഷൻ ഇന്റലിജൻസ് പോർട്ടൽ തുടങ്ങും

വൺ റാങ്ക് വൺ പെൻഷൻ പദ്ധതി സമഗ്രമാക്കും

ഉജ്ജ്വല പദ്ധതി പ്രകാരമാണ് ഗ്യാസ് കണക്ഷൻ

രണ്ടു കോടി ജനങ്ങൾക്ക് സൗജന്യ പാചകവാതകം..

18 വയസ്സുള്ള ഒരാൾക്ക് 55 രൂപയും 29 വയസ്സുള്ള ഒരാൾക്ക് 100 രൂപയ്ക്കും റിട്ടയർമെന്റ് സമയത്ത് 3000 രൂപ പെൻഷൻ ഉറപ്പാക്കാനാക്കാം

5000 കോടി രൂപയാണ് പുതിയ പെൻഷൻ സ്കീമിനായി മാറ്റി വെച്ചിരിക്കുന്നത്. അസംഘടിത മേഖലയിലെ പത്തു കോടി ആളുകൾക്ക് ഇതിന്റെ ഗുണം കിട്ടുമെന്നാണ് കരുതുന്നത്.

ഇഎസ്ഐ പരിധിയിൽ വർധനവ് വരുത്തി. 21000 രൂപയാണ് പുതിയ പരിധി

പാവപ്പെട്ടവർക്കായി പുതിയൊരു പെൻഷൻ സ്കീം പ്രഖ്യാപിച്ചു

ഫിഷറീസ് മേഖലയ്ക്കും ഒട്ടേറെ ആനുകൂല്യങ്ങൾ പ്രഖ്യാപിച്ചു. മത്സ്യമേഖലയ്ക്കായി പുതിയ വകുപ്പ് പ്രഖ്യാപിച്ചു

പ്രകൃതി ദുരന്തത്തെ തുടർന്ന് നഷ്ടം വരുന്ന കർഷകർക്ക് 2 ശതമാനം പലിശ ഇളവ്. കൂടാതെ കൃത്യമായി തിരിച്ചടയ്ക്കുന്നവർ മൂന്നു ശതമാനം കൂടി കിഴിവ് കിട്ടും.

രാഷ്ട്രീയ കാമധേനു ആയോഗ് പ്രഖ്യാപിച്ചു

12 കോടി കർഷക കുടുംബത്തിന് മെച്ചം കിട്ടുന്ന പദ്ധതിയാണിത്

6000 രൂപ പ്രതിവർഷം ചെറുകിട കർഷകർക്ക് ഉറപ്പ് നൽകുന്ന പദ്ധതിയാണിത്.മൂന്നു ഗഡുക്കളായി കർഷകരുടെ ബാങ്ക് എക്കൗണ്ടുകളിലേക്ക് നേരിട്ട് ഇതെത്തിക്കും.

പ്ളാൻഡ് ഇൻകം സപ്പോർട്ട് ഫോർ സ്മോൾ ഫാർമേഴ്സ് എന്ന പദ്ധതി പ്രഖ്യാപിച്ചു

1.53 കോടി വീടുകൾ ഇതുവരെ ഉണ്ടാക്കി. ലോകത്തിലെ ഏറ്റവും വലിയ ആരോഗ്യ ഇൻഷുറൻസ് പദ്ധതിയായ ആയുഷ്മാൻ പദ്ധതി നടപ്പാക്കി

ആയുഷ് മാൻ സ്കീമിൽ പത്തു ലക്ഷം പേർ ചികിത്സ തേടി

മൂന്നു ലക്ഷം കോടിയുടെ കിട്ടാക്കടം ഇതുവരെ തിരിച്ചു പിടിച്ചു. സർക്കാർ രംഗത്തുള്ള അഴിമതി ഇല്ലാതാക്കാൻ മോദി സർക്കാറിന് സാധിച്ചു.

കിട്ടാകടങ്ങൾ പിടിച്ചെടുക്കാൻ ഊർജ്ജിത നടപടികൾ തുടങ്ങി. ബാങ്കിങ് രംഗത്ത് സമഗ്രമായ പൊളിച്ചെഴുത്ത് നടത്തി

ശരാശരി പണപ്പെരുപ്പം 4.67ലേക്ക് കൊണ്ടു വന്നു. 2022 ഓടെ പുതിയൊരു ഭാരതം സൃഷ്ടിയ്ക്കുകയാണ് സർക്കാറിന്റെ ലക്ഷ്യം.

ഇന്ത്യ അതിവേഗം വളരുന്ന സാമ്പത്തിക ശക്തിയാണ്. 2013-14ൽ സ്ഥാനത്ത് 13ാം സ്ഥാനത്തായിരുന്ന ഇന്ത്യ ഇന്ന് ആറാം സ്ഥാനത്താണ്. പണപ്പെരുപ്പ നിരക്കിനെ പിടിച്ചു നിർത്താനും ധനക്കമ്മി കുറയ്ക്കാനും സാധിച്ചു.

ഇന്ത്യ വളർച്ചയുടെ പാതയിലേക്ക് തിരിച്ചെത്തി. ഇപ്പോൾ ശരിയായ പാതയിലാണ് സഞ്ചരിക്കുന്നതെന്ന് ഗോയൽ.

ഇടക്കാല ബജറ്റ് ആണെന്ന് പിയൂഷ് ഗോയൽ അറിയിച്ചു. അരുൺ ജെയ്റ്റ്ലി എളുപ്പം ആരോഗ്യം വീണ്ടെടുക്കട്ടെ എന്നു പ്രാർത്ഥിച്ചുകൊണ്ടായിരുന്നു ഗോയലിന്റെ തുടക്കം.

പ്രതിപക്ഷ അംഗങ്ങൾ ബഹളം വെയ്ക്കുന്നു. കേന്ദ്ര ബജറ്റ് അവതരിപ്പിച്ചു തുടങ്ങി

ലോകസഭാ നടപടികൾ തുടങ്ങി. പിയൂഷ് ഗോയൽ തന്റെ ആദ്യ ബജറ്റ് അവതരിപ്പിക്കാൻ ഒരുങ്ങുന്നു.

ബജറ്റിന് കേന്ദ്ര മന്ത്രിസഭ അംഗീകാരം നൽകി

കേന്ദ്ര ബജറ്റ് ഉടൻ അവതരിപ്പിക്കും. എല്ലാവരെയും പരിഗണിക്കുന്ന ബജറ്റായിരിക്കുമെന്ന് പ്രതീക്ഷിക്കുന്നു

ബജറ്റ് ചോർന്നെന്ന് പ്രതിപക്ഷ ആരോപണം. ആദായനികുതി പരിധി ഉയർത്തുമെന്ന വിവരങ്ങൾ ഇതിനകം പരസ്യമായി കഴിഞ്ഞുവെന്നും ട്വീറ്റുകൾ പുറത്തുവരുന്നുണ്ടെന്നുമാണ് ആരോപണം

ബജറ്റ് കോപ്പികള്‍ പാര്‍ലമെന്റ് കോംപ്ലക്‌സിലെത്തി

പിയൂഷ് ഗോയല്‍ പാര്‍ലമെന്റിലെത്തി

എന്‍ഡിഎ സര്‍ക്കാറിന്റെ ഇലക്ഷന്‍ ബജറ്റിന് മുന്നോടിയായി ഓഹരി വിപണിയില്‍ ഉണര്‍വ്.

ബജറ്റ് അവതരിപ്പിക്കാനായി പിയൂഷ് ഗോയൽ നോർത്ത് ബ്ലോക്കിൽ നിന്നും പാർലമെന്റിലേക്ക് പുറപ്പെട്ടു

ഓഹരി വിറ്റൊഴിക്കല്‍ തുടരാന്‍ സാധ്യത. സര്‍ക്കാറിന് വികസന പ്രവര്‍ത്തനങ്ങള്‍ക്കു കൂടുതല്‍ പണം കണ്ടെത്താന്‍ പൊതുമേഖലാ സ്ഥാപനങ്ങളുടെ ഓഹരി വിറ്റൊഴിക്കല്‍ തുടരാന്‍ സാധ്യതയുണ്ട്.

സബ് സിഡിയ്ക്കു പകരം എംജിഎന്‍ആര്‍ഇജിഎ സ്‌കീമുകള്‍ പ്രഖ്യാപിക്കുമോ? ദേശീയ തൊഴിലുറപ്പ് പദ്ധതി പരിഷ്‌കരിക്കുമോ? പണം നേരിട്ട് നല്‍കുമോ? ബജറ്റിനായി കാത്തിരിക്കാം.

തൊഴിലില്ലായ്മ വര്‍ദ്ധിച്ചു വരുന്നത് തിരഞ്ഞെടുപ്പിനെ കാര്യമായ ബാധിക്കുമെന്നതിനാല്‍ ഈ മേഖലയില്‍ കൂടുതല്‍ പ്രഖ്യാപനങ്ങള്‍ ഉണ്ടാകാന്‍ സാധ്യതയുണ്ട്. കൂടുതല്‍ പേര്‍ക്ക് തൊഴില്‍ നല്‍കുന്നവര്‍ക്ക് ഇന്‍സെന്റീവ്, ഒഴിവ് വരുന്ന ഗവണ്‍മെന്റ് ഒഴിവുകള്‍ അതിവേഗം നികത്തുക, തൊഴില്‍ നൈപുണ്യം വര്‍ധിപ്പിക്കാനുള്ള പദ്ധതികള്‍ പ്രഖ്യാപിക്കുക എന്നിവ പ്രതീക്ഷിക്കേണ്ടതാണ്.

കാര്‍ഷിക മേഖലയ്ക്ക് പ്രത്യേക പാക്കേജുകള്‍ പ്രഖ്യാപിക്കാനുള്ള സാധ്യത കൂടുതലാണ്. പലിശരഹിത വായ്പ, ഉത്പന്നങ്ങള്‍ക്ക് കൂടുതല്‍ മെച്ചപ്പെട്ട അടിസ്ഥാന വില എന്നിവ പ്രഖ്യാപിക്കാനുള്ള സാധ്യതയുണ്ട്.

യൂനിവേഴ്‌സല്‍ ബേസിക് ഇന്‍കം പ്ലാന്‍ നടപ്പാക്കുമോ? സബ്‌സിഡികള്‍ക്കു പകരം എക്കൗണ്ടിലേക്ക് നേരിട്ട് പണം എത്തിക്കുന്ന രീതിയാണ് മികച്ചതെന്ന് പല പഠനങ്ങളും തെളിയിച്ചിട്ടുണ്ട്. സാര്‍വ്വത്രിക അടിസ്ഥാന വരുമാനം ഉറപ്പാക്കുന്ന പദ്ധതി ഈ ബജറ്റില്‍ മോദി സര്‍ക്കാര്‍ പ്രഖ്യാപിക്കുമോ? എല്ലാവരും ഉറ്റു നോക്കുന്ന കാര്യങ്ങളിലൊന്നാണിത്.

നിലവിലുള്ള ടാക്‌സ് സ്ലാബിലേക്കാണ് എല്ലാവരും ഉറ്റുനോക്കുന്നത്. സ്ലാബ് ഇങ്ങനെയാണ് 2.5 ലക്ഷം വരെ നികുതിയില്ല 2.5-5 ലക്ഷം വരെ 5 ശതമാനം 5-10 ലക്ഷം വരെ 20 ശതമാനം 10 ലക്ഷത്തിന് മുകളില്‍ 30 ശതമാനം

തിരഞ്ഞെടുപ്പിന് മുമ്പുള്ള ഇടക്കാല ബജറ്റ് പ്രഖ്യാപിക്കുമ്പോള്‍ ധനകമ്മിയിലേക്കാണ് എല്ലാവരും ഉറ്റുനോക്കുന്നത്. കൂടുതല്‍ ക്ഷേമപദ്ധതികള്‍ പ്രഖ്യാപിച്ചാല്‍ കമ്മി വീണ്ടും കൂടാനുള്ള സാധ്യതയുണ്ട്. കമ്മി കൂടിയാല്‍ അന്താരാഷ്ട്ര ഏജന്‍സികള്‍ റേറ്റിങ് താഴ്ത്തും. ഇതിനിടയില്‍ വേണം പിയൂഷ് ഗോയലിന് ബാലന്‍സ് ചെയ്യാന്‍.

ആദായനികുതി ഘടനയില്‍ മാറ്റം വരുത്തുന്നത് റിയല്‍ എസ്റ്റേറ്റ് മേഖലയ്ക്ക് ഗുണകരമാകുമെന്നാണ് കരുതുന്നത്.

ഇത്തവണത്തെ ബജറ്റിന് ചില പ്രത്യേകതകളുണ്ട്. തിയ്യതിയിലും സമയത്തിലും മാറ്റമുണ്ട്.. ഇക്കാര്യങ്ങളെ കുറിച്ചറിയാം

11 മണിയ്ക്കാണ് ബജറ്റ് അവതരിപ്പിക്കുക.