ആദായ നികുതിയില്‍ വന്‍ ഇളവ് പ്രഖ്യാപിച്ച് മോദി സര്‍ക്കാര്‍. ആദായ നികുതി പരിധി അഞ്ച് ലക്ഷമാക്കിയാണ് ഉയര്‍ത്തിയിരിക്കുന്നത്. നിലവില്‍ നികുതി അടയ്ക്കുന്ന 3 കോടി പേര്‍ക്ക് ഇതിന്‍റെ പ്രയോജനം ലഭിത്തപം. ഈ വര്‍ഷം നിലവിലെ പരിധി തുടരും.

2.5 ലക്ഷമായിരുന്നു നികുതിയൊഴിവിനുള്ള പരിധി. 80 സി പ്രകാരമുള്ള ഇളവ് ഒന്നരലക്ഷം രൂപയില്‍ തുടരുമെന്നും മന്ത്രി വ്യക്തമാക്കി.ഇതോടെ ആറരലക്ഷം രൂപവരെയുള്ളവര്‍ക്ക് ആദായ നികുതി നല്‍കേണ്ടതില്ല. ആദായ നികുതി റീഫണ്ട് ഒരു ദിവസത്തിനുള്ളില്‍ നല്‍കാനുള്ള പദ്ധതിയും ബജറ്റില്‍ അവതരിപ്പിച്ചിട്ടുണ്ട്.

സ്റ്റാന്‍റേഡ് ഡിഡക്ഷന്‍ 50,000രൂപയായി ഉയര്‍ത്തി.4700 കോടിയുടെ നേട്ടമാണ് ഇതോടെ ലഭിച്ചത്. വാടകയ്ക്ക് 2.4 ലക്ഷം രൂപവരെ ടിഡിഎസ് ഇല്ലെന്നും ബജറ്റില്‍ പ്രഖ്യാപിച്ചു.രാജ്യത്ത് നികുതി റിട്ടേണ്‍ സമര്‍പ്പിച്ചവരുടെ എണ്ണം 3.79 കോടിയില്‍ നിന്ന് 6.85 കോടിയായി. ഇതില്‍ 80 ശതമാനം വളര്‍ച്ചയുണ്ടായതായും മന്ത്രി പറഞ്ഞു.

കര്‍ഷകര്‍ക്കും സാധാരണ ജനങ്ങള്‍ക്കും ആശ്വാസമേകുന്ന നിരവധി പദ്ധതികളാണ് ബജറ്റില്‍ പ്രഖ്യാപിച്ചത്. ജീവനക്കാരുടെ ഗ്രാറ്റിവിറ്റി പരിധി ഉയര്‍ത്താനും ബജറ്റില്‍ തിരുമാനമായി. 10 ലക്ഷത്തില്‍ നിന്ന് 35 ലക്ഷം രൂപയായാണ് ഇത് ഉയര്‍്തുന്നത്. ഇതിന്‍റെ ആദയായ നികുതി പരിധി 10 ലക്ഷം രൂപയില്‍ നിന്ന് 20 ലക്ഷം രൂപയാക്കും.ജീവനക്കാരുടെ ഇഎസ്ഐ പരിധി 21000 രൂപയാക്കി ഉയര്‍ത്തുമെന്നും മന്ത്രി പറഞ്ഞു. അങ്കണവാടി ആശാവര്‍ക്കര്‍മാരിടെ വേതനം 50 ശതമാനം വര്‍ധിപ്പിക്കും.