കര്‍ഷകര്‍ക്ക് 6000 രൂപ അക്കൗണ്ടില്‍ ലഭ്യമാക്കുന്ന പ്രധാനമന്ത്രി കിസാന്‍ സമ്മാന്‍ നിധി കേന്ദ്രബജറ്റില്‍ പ്രഖ്യാപിച്ചിരുന്നു. പ്രധാനമന്ത്രി നരേന്ദ്ര മോദി ഫെബ്രുവരി 24 ന്  പദ്ധതി ഉദ്‌ഘാടനം ചെയ്യും.ആദ്യ ഗഡുവായ 2,000 രൂപ കൃഷിക്കാരുടെ അക്കൗണ്ടിൽ പ്രധാനമന്ത്രി നിർദേശിച്ച കിസാൻ മഹാ ആദിവേഷൻ ഫെർട്ടിലൈസർ ഗ്രൗണ്ടിൽ വെച്ച് നൽകപ്പെടും എന്ന് ബി.ജെ.പി. സീനിയർ വൈസ് പ്രസിഡന്റ് സത്യേന്ദ്ര സിൻഹ പറഞ്ഞു.

എന്നിരുന്നാലും, പദ്ധതി നടപ്പാക്കുന്ന ദിവസം പണം സ്വീകരിക്കുന്ന കർഷകരുടെ എണ്ണം സിൻഹ വ്യക്തമാക്കിയില്ല. രണ്ടു ദിവസത്തെ കർഷകരുടെ കോൺക്ലേവ് ഫെബ്രുവരി 23 ന് ബിജെപി അദ്ധ്യക്ഷൻ അമിത് ഷാ ഉദ്ഘാടനം ചെയ്യും. കഴിഞ്ഞ കുറച്ചു കാലമായി കാര്‍ഷിക ഉല്‍പ്പന്നങ്ങള്‍ക്ക് വേണ്ടത്ര വില ലഭിക്കുന്നില്ല. കര്‍ഷകരുടെ വരുമാനക്കുറവ് നികത്തുകയാണ് ലക്ഷ്യമെന്നും ബജറ്റിൽ കേന്ദ്രമന്ത്രി പിയൂഷ് ഗോയല്‍ വ്യക്തമാക്കിയിരുന്നു .

രണ്ട് ഹെക്ടറില്‍ കുറവ് ഭൂമിയുള്ള കര്‍ഷകരാണ് ഈ പദ്ധതിയില്‍ വരിക. രാജ്യത്തെ 12 കോടി കര്‍ഷകര്‍ക്ക് ഈ പദ്ധതിയുടെ പ്രയോജനം ലഭിക്കും. മൂന്ന് ഗഡുക്കളായാണ് കര്‍ഷകരുടെ ബാങ്ക് അക്കൗണ്ടിലേക്ക് പണം ലഭ്യമാക്കുക. കേന്ദ്രസര്‍ക്കാര്‍ പദ്ധതിയുടെ മുഴുവന്‍ ചിലവും വഹിക്കും. ഓരോ വര്‍ഷവും ഇതിനായി 75,000 കോടി രൂപ ചിലവ് വരുമെന്നാണ് കണക്കാക്കിയിരിക്കുന്നതു .