ഇന്‍ഡിഗോ സര്‍വീസുകള്‍ കൂട്ടത്തോടെ റദ്ദാവുന്നത് എന്തുകൊണ്ട്? മോശം കാലാവസ്ഥയോ പൈലറ്റുകളുടെ കുറവോ?

By
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ന്യൂഡല്‍ഹി: ഡല്‍ഹിയിലെ പ്രതികൂല കാലാവസ്ഥയും ബംഗളൂരുവിലെ എയര്‍ഷോയും മുംബൈയിലെ റണ്‍വേ ഭാഗികമായി അടച്ചതുമൊക്കെയാണ് രാജ്യത്തെ ബജറ്റ് എയര്‍ലൈനായ ഇന്‍ഡിഗോ തങ്ങളുടെ സര്‍വീസുകള്‍ കൂട്ടത്തോടെ റദ്ദാക്കാനുള്ള കാരണമായി പറയുന്നത്. എന്നാല്‍ സര്‍വീസ് കാന്‍സല്‍ ചെയ്തതിനു പിന്നിലെ യഥാര്‍ഥ കാരണം പൈലറ്റുമാരുടെ വലിയ കുറവാണെന്നാണ് പുറത്തുവരുന്ന റിപ്പോര്‍ട്ടുകളില്‍ നിന്ന് വ്യക്തമാകുന്നത്. ഏഷ്യയിലെ തന്നെ നമ്പര്‍ വണ്‍ ബജറ്റ് വിമാനക്കമ്പനിയായി മാറിയ ഇന്‍ഡിഗോ പുതിയ വിമാനങ്ങള്‍ വാങ്ങിക്കൂട്ടിയപ്പോള്‍ അതിന് ആനുപാതികമായി നല്ല പൈലറ്റുമാരെ റിക്രൂട്ട് ചെയ്തില്ലെന്നാണ് ഇതുമായി ബന്ധപ്പെട്ട് ഉയരുന്ന പരാതി.

 

രാജ്യത്തിനകത്തും പുറത്തും നടത്തുന്ന വ്യാപക സര്‍വീസുകളുടെ ഫലമായി ഒരു വര്‍ഷത്തെ പറക്കല്‍ പരിധി പ്രതീക്ഷിച്ചതിനും വളരെ മുമ്പേ തന്നെ ഇന്‍ഡിഗോ പിന്നിട്ടിരുന്നു. ഇങ്ങനെ വിശ്രമമില്ലാതെ ജോലി ചെയ്യേണ്ടിവരുന്നതില്‍ പൈലറ്റുമാര്‍ക്കിടയില്‍ വലിയ അസംതൃപ്തി നിലനില്‍ക്കുന്നുണ്ടെന്നും റിപ്പോര്‍ട്ടുകള്‍ വ്യക്തമാക്കുന്നു. എന്നാല്‍ പൈലറ്റുകളുടെ കുറവിനെ കുറിച്ച് പ്രതികരിക്കാന്‍ ഇന്‍ഡിഗോ തയ്യാറായിട്ടില്ല.

 
ഇന്‍ഡിഗോ സര്‍വീസുകള്‍ കൂട്ടത്തോടെ റദ്ദാവുന്നത് എന്തുകൊണ്ട്? മോശം കാലാവസ്ഥയോ പൈലറ്റുകളുടെ കുറവോ?

ഇന്ത്യയിലെ ആഭ്യന്തര സര്‍വീസിന്റെ 40 ശതമാനവും കൈകാര്യം ചെയ്യുന്ന ഇന്‍ഡിഗോ എയര്‍ലൈന്‍സ്, കഴിഞ്ഞ രണ്ടു ദിവസങ്ങളിലായി നൂറിലേറെ സര്‍വീസുകളാണ് റദ്ദാക്കിയത്. മാര്‍ച്ച് വരെ ഇത് തുടരുമെന്ന് കമ്പനി അറിയിച്ചിരുന്നു. ചില വിമാനത്താവളങ്ങളിലെ മോശം കാലാവസ്ഥയും നിയന്ത്രണങ്ങളും കാരണം പൈലറ്റുകള്‍ ഏറെ നേരം കാത്തിരിക്കേണ്ടിവരുന്നതിനാലാല്‍ ഇവര്‍ക്കായി നേരത്തേ തയ്യാറാക്കിയ റോസ്റ്ററില്‍ മാറ്റം വരുത്തേണ്ടി വരുന്നതാണ് സര്‍വീസ് കാന്‍സല്‍ ചെയ്യാന്‍ കാരണമെന്നാണ് ഇന്‍ഡിഗോ പറഞ്ഞിരുന്നത്.

210 വിമാനങ്ങളുമായി ഒരു ദിവസം 1300 സര്‍വീസുകള്‍ നടത്തുന്ന ഇന്‍ഡിഗോ ശരാശരി 10 ശതമാനം ഷെഡ്യൂളുകള്‍ റദ്ദാക്കേണ്ടിവരുമെന്നാണ് റിപ്പോര്‍ട്ട്. ബുധനാഴ്ച 49ഉം വ്യാഴാഴ്ച 70ഉം സര്‍വീസുകള്‍ റദ്ദാക്കിയ കമ്പനി, വെള്ളിയാഴ്ച 130 വിമാനങ്ങള്‍ കാന്‍സല്‍ ചെയ്യുമെന്നാണ് അറിയിച്ചിരിക്കുന്നത്.

English summary

indigo canceling dozens of flights every day

canceling dozens of flights every day
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X