ഐടി റിട്ടേണ്‍ ഫയല്‍ ചെയ്യണമെന്നുണ്ടോ? ആധാര്‍ പാന്‍ കാര്‍ഡുമായി ബന്ധിപ്പിക്കാതെ പറ്റില്ലെന്ന് ബോര്‍ഡും

By
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ന്യൂഡല്‍ഹി: ആദായ നികുതി റിട്ടേണ്‍ ഫയല്‍ ചെയ്യാന്‍ ആധാറും പാന്‍ കാര്‍ഡും ബന്ധിപ്പിച്ചേ തീരൂ എന്ന് സെന്‍ട്രല്‍ ബോര്‍ഡ് ഓഫ് ഡയരക്ട് ടാക്‌സസ്. ഇതുമായി ബന്ധപ്പെട്ട നടപടിക്രമങ്ങള്‍ മാര്‍ച്ച് 31ന് മുമ്പ് തന്നെ പൂര്‍ത്തിയാക്കണമെന്നും ബോര്‍ഡ് നിര്‍ദ്ദേശിച്ചു.

 

2018 സെപ്റ്റംബറിലെ വിധിയിലൂടെ ആധാറിന്റെ ഭരണഘടനാ സാധുത സുപ്രിംകോടതി അംഗീകരിച്ചതാണ്. ഇതിന്റെ അടിസ്ഥാനത്തില്‍ 1961ലെ ഇന്‍കം ടാക്‌സ് ആക്ട് 139എഎ വകുപ്പ് പ്രകാരം ആധാറും പാന്‍ കാര്‍ഡും ബന്ധിപ്പിക്കേണ്ടത് അനിവാര്യമാണെന്നും ബോര്‍ഡ് പ്രസ്താവനയില്‍ വ്യക്തമാക്കി. കഴിഞ്ഞ ഫെബ്രുവരി ആറിന്റെ വിധിയില്‍ ഇക്കാര്യം സുപ്രിംകോടതിയും ശരിവച്ചിരുന്നു.

ഐടി റിട്ടേണ്‍ ഫയല്‍ ചെയ്യണമെന്നുണ്ടോ? ആധാര്‍ പാന്‍കാര്‍ഡുമായി ബന്ധിപ്പിക്കാതെ പറ്റില്ലെന്ന് ബോര്‍ഡും

ഡല്‍ഹി ഹൈക്കോടതി ഉത്തരവിനെതിരെ കേന്ദ്രസര്‍ക്കാര്‍ നല്‍കിയ ഹര്‍ജിയിലായിരുന്നു കോടതി വിധി. 2018 ഫെബ്രുവരിയില്‍ ശ്രേയ സെന്‍ എന്നിവരടക്കമുള്ള ഒരു സംഘം ഹര്‍ജിക്കാര്‍ക്ക് ആധാര്‍ കാര്‍ഡും പാന്‍ കാര്‍ഡും തമ്മില്‍ ബന്ധിപ്പിക്കാതെയും ആദായനികുതി റിട്ടേണ്‍ നല്‍കാന്‍ ഹൈക്കോടതി അനുമതി നല്‍കിയിരുന്നു. റിട്ടേണ്‍ ഫയല്‍ ചെയ്യാന്‍ ആധാര്‍ കാര്‍ഡുമായി പാന്‍ ബന്ധിപ്പിക്കണമെന്ന് നിര്‍ബന്ധിക്കരുതെന്നും ദില്ലി ഹൈക്കോടതി ആദായനികുതി വകുപ്പിന് അന്ന് നിര്‍ദേശം നല്‍കുകയുണ്ടായി.

ജസ്റ്റിസ് എ കെ സിക്രി, ജസ്റ്റിസ് എസ് അബ്ദുള്‍ നസീര്‍ എന്നിവരടങ്ങിയ ബഞ്ചിന്റേതായിരുന്നു വിധി.

അതിനിടെ, ഇതുവരെ ആധാറുമായി ബന്ധിപ്പിച്ച പാന്‍ കാര്‍ഡുകളുടെ എണ്ണം 23 കോടി മാത്രമാണെന്ന് കേന്ദ്ര പ്രത്യക്ഷ നികുതി ബോര്‍ഡ് അറിയിച്ചു. ഇനിയും 19 കോടി പാന്‍ കാര്‍ഡുകളെ ആധാറുമായി ബന്ധിപ്പിക്കാന്‍ ബാക്കിയുണ്ട്. മാര്‍ച്ച് 31 എന്ന സമയപരിധി തീരുന്നതോടെ ആധാറുമായി ലിങ്ക് ചെയ്യാത്ത പാന്‍ കാര്‍ഡുകള്‍ റദ്ദാക്കാനാണ് നികുതി വകുപ്പ് ആലോചിക്കുന്നത്.

Read more about: pan aadhaar
English summary

Linking Aadhaar-PAN is mandatory for tax filers

Linking Aadhaar-PAN is mandatory for tax filers
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X