ബിഎസ്എൻഎൽ 98 രൂപയുടെ പ്രീപെയ്ഡ് പ്ലാൻ പുതുക്കി. നേരത്തെ ദിവസവും 1.5 ജിബി ഡാറ്റ നൽകിയിരുന്ന പ്ലാൻ ഇപ്പോൾ ഒരു ദിവസം 2 ജിബി ഡാറ്റ നൽകുന്നു. ഇതുകൂടാതെ, ബിഎസ്എൻഎൽ പ്രീപെയ്ഡ് വരിക്കാർക്ക് പ്ലാൻ നില നിൽക്കുന്ന കാലയളവിൽ ഇറോസ് സബ്സ്ക്രിപ്ഷനും പ്രയോജനപ്പെടുത്താം.
ഒരു ടെലികോം ടോക്ക് റിപ്പോർട്ട് അനുസരിച്ച്, 98 രൂപയുടെ പ്ലാൻ ഡാറ്റ ബെനിഫിറ്റ് വർദ്ധിപ്പിച്ചിട്ടുണ്ടെങ്കിലും ഇപ്പോൾ കാലാവധി കുറവാണ്. നേരത്തെ ഈ പ്ലാനിന് 28 ദിവസം വരെയായിരുന്നു കാലാവധി. പ്ലാൻ പരിഷ്കരിച്ചതോടെ കാലാവധി 24 ദിവസമായി. ദിനംതോറുമുളള നിർദിഷ്ട പരിധി കഴിഞ്ഞാൽ 80കെബിപിഎസ് വേഗതിയിലാകും ഇന്റർനെറ്റ് ഉപയോഗിക്കാനാവുക.എയർട്ടലിനും റിലയൻസ് ജിയോയ്ക്കും സമാനമായ പ്ലാനുകളുണ്ട്. 28 ദിവസത്തെ കാലാവധിയിൽ ആകെ അഞ്ച് ജിബി വരെ ഡേറ്റ ലഭിക്കുന്നതാണ് എയർട്ടലിന്റെ പ്ലാൻ . ജിയോയിന് രണ്ട് ജിബി വരെ മാത്രമേ ഡേറ്റ ലഭിക്കുകയുളളു.