രണ്ടു ദിവസങ്ങൾക്കു മുൻപേ പ്രീപെയ്ഡ് ഉപയോക്താക്കൾക്കായി 28 ദിവസത്തേക്ക് 119 രൂപയ്ക്കു പരിധിയില്ലാത്ത ടോക്ക് ടൈം ഓഫർ നൽകിയതിന് ശേഷം വീണ്ടും ഒരു വര്ഷത്തെക്കുള്ള 1,999 രൂപയുടെ പ്ലാൻ അവതരിപ്പിച്ചിരിക്കുകയാണ്. കഴിഞ്ഞ മാസം അവതരിപ്പിച്ച 1,499 പ്രീപെയ്ഡ് പ്ലാൻ, പുതുക്കിയതാണ്, 1,999 രൂപയുടെ ഈ പ്ലാൻ. ഇവ രണ്ടും 365 ദിവസം കാലാവധി വാഗ്ദാനം ചെയ്യുന്നു. വൊഡാഫോൺ പ്രീപെയ്ഡ് ഉപയോക്താക്കൾക്ക് 1,999 രൂപ പ്ലാൻറ് വൗച്ചറുകൾക്ക് പ്രതിമാസം പ്രാദേശിക, ദേശീയ, റോമിങ് കോളിങിനൊപ്പം 1.5 ജിബി ദൈനംദിന ഡാറ്റ ആനുകൂല്യവും വാഗ്ദാനം ചെയ്യുന്നു.
പ്ലാനിൽ ഒരു വർഷത്തേക്ക് പ്രതിദിനം 100 സൗജന്യ എസ്.എം.എസ്സുകളും ഉൾപ്പെടുന്നു. ജിയോ നൽകുന്നത് പോലെ തന്നെ കോളുകൾക്ക് എഫ് .യു.പി പരിധി ഉണ്ടായിരിക്കുന്നതല്ല. നിലവിൽ കേരളത്തിലെ ഉപപോക്താക്കൾക്കു മാത്രമാണ് ഈ ഓഫർ ലഭിക്കുക. ഇതൊരു ഓപ്പൺ മാർക്കറ്റു പ്ലാൻ ആണ്. അതായത്, കേരളത്തിനകതുള്ള ഏതു വോഡഫോൺ നമ്പറിലേക്കും ഈ പ്ലാൻ തിരഞ്ഞെടുക്കാവുന്നതാണ് . കേരളത്തിൽ നിലവിൽ അവതരിപ്പിച്ച ഈ പ്ലാൻ വൈകാതെ തന്നെ മറ്റു നഗരങ്ങളിലേക്കും അവതരിപ്പിക്കുന്നതാണ്. 1,499 പ്ലാൻ വൗച്ചറുകൾ 1,699 രൂപയാക്കി വോഡഫോൺ പുതുക്കിയിട്ടുണ്ട്. പ്ലാനിൽ പരിധിയില്ലാത്ത കോളുകളും, ദിവസേന 1 ജിബി ഡാറ്റയും 365 ദിവസത്തേക്ക് പ്രതിദിനം 100 സൗജന്യ എസ്.എം.എസ്സുകളുമാണുള്ളത്