രാജ്യത്തെ മുൻനിര ടെലികോം സേവനദാതാക്കളായ റിലയന്‍സ് ജിയോ, വോഡഫോൺ, എയർടെൽ, ഐഡിയ കമ്പനികളെല്ലാം പിന്നിലാക്കി യാത്ര തുടരുന്നു. മുകേഷ് അംബാനിയുടെ ടെലികോം സംരംഭം റിലയൻസ് ജിയോ ഈ വർഷം ടെലികോം വരിക്കാരുടെ എണ്ണം ഇരട്ടിയാക്കുമെന്നും ,കമ്പനികളുടെ മൊത്തവരുമാനം ഉയരുമെന്നും വിവിധ റിപ്പോർട്ടുകൾ പറയുന്നു.

രാജ്യത്തെ ഏറ്റവും വലിയ ടെലകോം കമ്പനിയായ വൊഡാഫോൺ-ഐഡിയയ്ക്ക് ഡിസംബറിൽ നഷ്ടമായത് 23.32 ലക്ഷം സബ്സ്ക്രൈബർമാരെയാണ്. ഡിസംബർ അവസാനത്തിൽ കമ്പനിയുടെ മൊത്തം ഉപഭോക്താക്കളുടെ എണ്ണം 41.87 കോടിയായിരുന്നു.

എയർടെല്ലിന് ഡിസംബറിൽ നഷ്ടമായത് 15.01 ലക്ഷം ഉപഭോക്താക്കളെയാണ്. 34.03 കോടി സബ്സ്ക്രൈബേഴ്‌സ് ആണ് കമ്പനിക്ക് ഇപ്പോൾ ഉള്ളത്. ജിയോയുടെ രംഗപ്രവേശം വൊഡാഫോൺ -ഐഡിയ, എയർടെൽ എന്നിവരെ സാമ്പത്തികമായി തളർത്തിയിട്ടുണ്ടെന്ന് ത്രൈമാസ സാമ്പത്തിക ഫല കണക്കുകൾ വ്യക്തമാക്കുന്നു.