പാക്ക് അതിര്‍ത്തി കടന്ന് ഇന്ത്യ നടത്തിയ വ്യോമാക്രമണത്തെ തുടര്‍ന്ന് ഓഹരി വിപണിയില്‍ വന്‍ ഇടിവ്. മുംബൈ ഓഹരി സൂചികയായ
സെൻസെക്സ് 189.54 പോയന്റ് താഴേക്ക് പോയി 35534.17 എത്തി . ദേശീയ ഓഹരി സൂചികയായ നിഫ്റ്റി 68.10 പോയിന്റ് ഇടിഞ്ഞ് 10767.20 ലാണ് വ്യാപാരം പുരോഗമിക്കുന്നത്. 1,110 ഓഹരികൾ നേട്ടമുണ്ടാക്കിയപ്പോൾ 1,034 ഓഹരികൾ നഷ്ടത്തിലായി. 122 ഓഹരികൾ മാറ്റമില്ലാതെ തുടർന്നു. അതേസമയം, നിഫ്റ്റി, മിഡ് ക്യാപ്, സ്മോൾ ക്യാപ് സൂചികകൾ നേട്ടമുണ്ടാക്കി.

പാക്കിസ്ഥാനിൽ കറാച്ചി സ്റ്റോക്ക് എക്സ്ചേഞ്ചിലെ കെഎസ്ഇഇഇ സൂചിക 1400 പോയിന്റിന്റെ നഷ്ടം നേരിട്ടു.
എന്നിരുന്നാലും, രാജ്യത്ത് നിലനിൽക്കുന്ന ഭീകരാക്രമണത്തിലും യുദ്ധതടസ്സുകളിലും എപ്പോഴും വിപണികൾ വിപരീതമായി പ്രതികരിച്ചിട്ടില്ലെന്ന് ചരിത്രം ചൂണ്ടിക്കാട്ടുന്നു. 1999 ൽ കാർഗിൽ യുദ്ധ സാഹചര്യം നിലനിന്ന മൂന്നു മാസത്തിനിടയിൽ സെൻസെക്സും നിഫ്റ്റി 50 ഉം 33 ശതമാനം വീതം വിധിച്ചിരുന്നു . 2008 ൽ മുംബൈയിൽ രണ്ട് ദിവസം നടന്ന ഭീകരാക്രമണങ്ങൾ കൊണ്ട് സെൻസെക്സ് 400 പോയിന്റ് ഉയർന്നിരുന്നു .

പാകിസ്ഥാനില്‍ ഇന്ത്യ നടത്തിയ വ്യോമാക്രമണത്തെ തുടര്‍ന്ന് യുദ്ധത്തിലേക്ക് കാര്യങ്ങള്‍ നീങ്ങുമോ എന്ന ആശങ്കയാണ് ഓഹരി വിപണിയില്‍ ഇടിവിന് കാരണമായതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. നിഫ്റ്റിയില്‍ വേദാന്ത, ഹിന്താല്‍ക്കോ, യെസ് ബാങ്ക്, ജെഎസ്ഡബ്ല്യൂ സ്റ്റീല്‍ തുടങ്ങിയ ഓഹരികള്‍ നഷ്ടത്തിലാണ്. വിനിമയ വിപണിയില്‍ ഇന്ത്യന്‍ രൂപയുടെ മൂല്യത്തിലും ഇടിവുണ്ടായി.