ട്രെയിനുകളില്‍ ലഭിക്കുന്ന ഭക്ഷണപ്പൊതികളില്‍ ഇനി മുതല്‍ ബാര്‍ കോഡും; ഗുണനിലവാരം അറിയാന്‍ എളുപ്പവഴി

By
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: ട്രെയിന്‍ യാത്രയ്ക്കിടയില്‍ ലഭിക്കുന്ന ഭക്ഷണത്തിന്റെ ഗുണനിലവാരത്തെ കുറിച്ച് ഇനി ആശങ്ക വേണ്ട. ഇന്ത്യന്‍ റെയില്‍വേ കാറ്ററിംഗ് ആന്റ് ടൂറിസം കോര്‍പറേഷന്‍ (ഐആര്‍സിടിസി) ട്രെയിനുകളില്‍ വിതരണം ചെയ്യുന്ന ഭക്ഷണ സാധനങ്ങളുടെ ഗുണനിലവാരം അറിയാന്‍ പുതിയ സംവിധാനം ഇന്ത്യന്‍ റെയില്‍വേ ഒരുക്കിയിരിക്കുന്നു. ഇനി മുതല്‍ ഭക്ഷണ പായ്ക്കറ്റിന്‍ മേല്‍ ഐആര്‍സിടിസി പ്രത്യേക ബാര്‍ കോഡ് പതിക്കും. ഇത് മൊബൈല്‍ ഉപയോഗിച്ചോ മറ്റോ സ്‌കാന്‍ ചെയ്താല്‍ ഭക്ഷണ സാധനത്തിന്റെ ഉല്‍പ്പാദനം, പാക്കേജിംഗ്, എക്‌സ്പയറി തീയതികള്‍ കൃത്യമായി അറിയാന്‍ സാധിക്കും. എന്നു മാത്രമല്ല, ഈ ബാര്‍ കോഡ് റീഡ് ചെയ്താല്‍ ഭക്ഷണം ഉണ്ടാക്കുന്നതിന്റെ വീഡിയോ ദൃശ്യങ്ങളും നമുക്ക് കാണാനാവും. ഭക്ഷണം പാകം ചെയ്യുന്നതിന്റെ വിവിധ ദൃശ്യങ്ങള്‍, അടുക്കള, പാക്കേജിംഗ് തുടങ്ങിയ കാര്യങ്ങളും ഇതിലൂടെ നേരില്‍ കണ്ട് ബോധ്യപ്പെടാം.

 

ബൈജൂസ് ലേണിംഗ് ആപ്പ് വരുന്നു; മലയാളം ഉള്‍പ്പെടെ പ്രാദേശിക ഭാഷകളില്‍

ബാര്‍ കോഡ് വരുന്നതോടെ ഭക്ഷണത്തിന്റെ ഗുണനിലവാരം വര്‍ധിക്കുമെന്നാണ് റെയില്‍വേ വിലയിരുത്തുന്നത്. കാരണം ഭക്ഷണത്തെ കുറിച്ചുള്ള വിശദവിവരങ്ങള്‍ ആര്‍ക്കും എളുപ്പത്തില്‍ പരിശോധിക്കാന്‍ പാകത്തിലാണ് ബാര്‍ കോഡ് സെറ്റ് ചെയ്തിരിക്കുന്നത്. ഇന്ത്യന്‍ റെയില്‍വേ സേവനങ്ങളില്‍ സുതാര്യതയും കാര്യക്ഷമതയും ഉറപ്പുവരുത്തുന്നതിന് ഭക്ഷണപ്പൊതികളില്‍ ബാര്‍ കോഡ് സംവിധാനം ഏര്‍പ്പെടുത്തുമെന്ന് കഴിഞ്ഞ ദിവസം റെയില്‍ ദൃഷ്ടി ഡാഷ്‌ബോര്‍ഡ് എന്ന ഓണ്‍ലൈന്‍ പോര്‍ട്ടലിന്റെ ഉദ്ഘാടന വേളയില്‍ കേന്ദ്ര റെയില്‍വേ മന്ത്രി പിയൂഷ് ഗോയല്‍ വ്യക്തമാക്കിയിരുന്നു.

ട്രെയിനുകളില്‍ ലഭിക്കുന്ന ഭക്ഷണപ്പൊതികളില്‍ ഇനി മുതല്‍ ബാര്‍ കോഡും; ഗുണനിലവാരം അറിയാന്‍ എളുപ്പവഴി

ട്രെയിനുകളെ കുറിച്ചുള്ള വിവരങ്ങള്‍, റെയില്‍വേ ടൈം ടേബിള്‍ തുടങ്ങി ഒട്ടേറെ വിവരങ്ങള്‍ ഉള്‍ക്കൊള്ളുന്നതാണ് റെയില്‍ ദൃഷ്ടി ഡാഷ്‌ബോര്‍ഡ്. വിവിധ സേവനങ്ങള്‍ ഒരു പ്ലാറ്റ്‌ഫോമിലെത്തിക്കുകയെന്നതാണ് ഇതിലൂടെ റെയില്‍വേ ലക്ഷ്യമിടുന്നതെന്ന് മന്ത്രി വ്യക്തമാക്കിയിരുന്നു. ഐആര്‍സിടിസി അടുക്കളകളുടെ ലൈവ് വീഡിയോകള്‍ കാണാനുള്ള അവസരവും ഇതിലുണ്ട്. സിസിടിവി കാമറകള്‍ വഴിയാണ് ഭക്ഷണം പാകം ചെയ്യുന്നതും പായ്ക്ക് ചെയ്യുന്നതും അടക്കമുള്ള ദൃശ്യങ്ങള്‍ ഉപയോക്താക്കള്‍ക്ക് കാണാന്‍ സാധിക്കുക. നിലവില്‍ അഹമ്മദാബാദ്, ബാലസോര്‍, റെനിഗുണ്ട, സീല്‍ഡ, കോട്ട, മുംബൈ, ഗുണ്ടുകല്‍, ഝാന്‍സി, നോയിഡ്, പൂനെ, വിജയവാഡ തുടങ്ങിയ റെയില്‍വേ സ്റ്റേഷനുകളിലെ ഐആര്‍സിടിസി അടുക്കളകളുടെ ലൈവ് വീഡിയോകളാണ് ഇതില്‍ ലഭ്യമാവുക.

English summary

irctc food on train to have bar codes

irctc food on train to have bar codes
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Find IFSC

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more