നിങ്ങളുടെ ആധാറും പാൻ കാർഡും തമ്മിൽ ബന്ധിപ്പിച്ചോ? മാർച്ച് 31നകം ഇവ തമ്മിൽ ബന്ധിപ്പിച്ചില്ലെങ്കിൽ നിങ്ങളുടെ പാൻ കാർഡ് റദ്ദാകും. മാര്‍ച്ച് 31 ആണ് ആധാറും പാനും തമ്മിൽ ബന്ധിപ്പിക്കാൻ സുപ്രീം കോടതി അനുവദിച്ചിരിക്കുന്ന അവസാന ദിനം. ഈ സമയ പരിധിക്കുള്ളിൽ ഇവ ബന്ധിപ്പിച്ചില്ലെങ്കിൽ നിങ്ങളുടെ പാന്‍കാര്‍ഡ് അസാധുവാകും.

പാന്‍ കാര്‍ഡ് ആധാറുമായി ബന്ധിപ്പിക്കുന്നത് നിര്‍ബന്ധമാക്കിക്കൊണ്ടുള്ള സുപ്രീംകോടതി ഉത്തരവ് പൂര്‍ത്തിയാക്കാനാണ് സര്‍ക്കാരിന്റെ നിര്‍ദേശം. കഴിഞ്ഞ വർഷത്തെ കണക്കു പ്രകാരം 42 കോടി പാന്‍ കാര്‍ഡാണ് ഇന്ത്യയില്‍ ഇതുവരെ അനുദിച്ചിരിക്കുന്നത്. ഇതില്‍ 23 കോടി പാന്‍ കാര്‍ഡ് മാത്രമാണ് ആധാറുമായി ബന്ധിപ്പിച്ചിട്ടുള്ളത്.

ഡ്യൂപ്ലിക്കേറ്റ് പാന്‍ അടക്കമുള്ളവ ആധാറുമായി ബന്ധിപ്പിക്കണമെന്നും അല്ലെങ്കില്‍ ആധാര്‍ അസാധുവാകുമെന്നുമാണ് സിബിഡിടി ചെയര്‍മാന്‍ സുശീല്‍ ചന്ദ്ര വ്യക്തമാക്കിയിരിക്കുന്നത്.

ഇൻകം ടാക്സ് റിട്ടേൺ ഫയൽ ചെയ്യുന്നതിനും ബാങ്ക് അക്കൗണ്ട് തുടങ്ങുന്നതിനും മ്യൂച്വല്‍ ഫണ്ട് നിക്ഷേപത്തിനും വായ്പ അനുവദിക്കുന്നതിനുമടക്കം നിരവധി സേവനങ്ങള്‍ക്ക് നിലവിൽ പാന്‍ കാർ‍ഡ് അത്യാവശ്യമാണ്.

malayalam.goodreturns.in