റിലയൻസ് ജിയോ

500 രൂപയ്ക്ക് താഴെയുള്ള റിലയൻസ് ജിയോയുടെ മികച്ച പ്ലാൻ 449 രൂപയുടേതാണ്. ഈ പ്ലാനിൽ 136 ജിബി ഡാറ്റയാണ് ഉപഭോക്താവിന് ലഭിക്കുക. ഇതിൽ 1.5 ജിബി പ്രതിദിനം ലഭിക്കും. കൂടാതെ അൺലിമിറ്റഡ് കോളുകൾ ലഭ്യമാണ്. 91 ദിവസമാണ് ഈ ഓഫറിന്റെ കാലാവധി.100 സൗജന്യ എസ്.എം.എസുകളും ഈ കാലാവധിയിൽ ഉപഭോക്താക്കൾക്ക് ലഭിക്കുന്നതാണ്.

ഭാരതി എയർടെൽ

എയർടെല്ലിന്റെ 448 രൂപയുടെ പ്രീപെയ്ഡ് പ്ലാനാണ് 500 രൂപയിൽ താഴെയുള്ള മികച്ച ഓഫ‍‍ർ വാ​ഗ്ദാനം ചെയ്യുന്നത്. അൺലിമിറ്റഡ് ലോക്കൽ / എസ്ടി‍ഡി, റോമിംഗ് കോളുകൾക്ക് ഒപ്പം 1.5 ജിബി ഡേറ്റയാണ് കമ്പനി പ്രതിദിനം വാ​ഗ്ദാനം ചെയ്യുന്നത്. കൂടാതെ ദിവസവും 100 എസ്എംഎസുകളും അയയ്ക്കാവുന്നതാണ്. 82 ദിവസമാണ് ഈ ഓഫറിന്റെ കാലാവധി. ജിയോയേക്കാൾ കാലാവധിയുടെ കാര്യത്തിൽ അൽപ്പം പിന്നിലാണ് എയർടെൽ.

വൊഡാഫോൺ ഐഡിയ

പ്രതിദിനം 1.5 ജിബി 4 ജി / 3 ജി ഡാറ്റ ഉൾപ്പെടെ അൺലിമിറ്റഡ് ലോക്കൽ, എസ്ടിഡി, റോമിംഗ് കോളുകളാണ് വൊഡാഫോൺ ഐഡിയ 458 രൂപയുടെ പ്ലാനിലൂടെ വാഗ്ദാനം ചെയ്യുന്നത്. മറ്റ് രണ്ട് ഓഫറുകളിലേത് പോലെ തന്നെ ദിവസേന 100 എസ്.എം.എസുകൾ വൊഡാഫോൺ ഐഡിയയും നൽകുന്നുണ്ട്. 84 ദിവസമാണ് ഈ ഓഫറിന്റെ കാലാവധി. കൂടാതെ ഉപഭോക്താക്കൾക്ക് വൊഡോഫോൺ പ്ലേ ആപ്പും സൗജന്യമായി ഉപയോ​ഗിക്കാവുന്നതാണ്.