മുംബൈ: തിരഞ്ഞെടുപ്പിന് മുമ്പ് ഇന്ത്യന് ഓഹരി വിപണി നഷ്ടത്തിലേക്ക് നീങ്ങുമെന്നാണ് എല്ലാവരും കരുതിയിരുന്നതെങ്കില് തെറ്റി. ഓട്ടോ, ഐടി, എനര്ജി, ബാങ്കിങ്, ഇന്ഫ്ര, ഫാര്മ ഓഹരികള്ക്ക് ഡിമാന്റ് വര്ധിച്ചതോടെ പുതിയ ഉണര്വാണ് വിപണിയില് പ്രകടമായിരിക്കുന്നത്.
സെന്സെക്സ് 235 പോയിന്റും നിഫ്റ്റി 70 പോയിന്റും നേട്ടമുണ്ടാക്കി കൊണ്ട് വില്പ്പന തുടരുകയാണ്. കൊടാക് മഹീന്ദ്ര, എസ്ബിഐ, സീ എന്റര്ടെയ്ന്മെന്റ്, ഇന്ഡസ് ഇന്ഡ് ബാങ്ക് ഓഹരികളാണ് ഏറെ നേട്ടമുണ്ടാക്കിയത്. അതേ സമയം ഹിന്ദുസ്ഥാന് യൂനിലിവര്, ഭാരതി എയര് ടെല്, കോള് ഇന്ത്യ, ടാറ്റാ സ്റ്റീല്, ഐടിസി ലിമിറ്റഡ് കമ്പനികള് അത്ര നല്ല ദിവസമല്ല.
ഡോളറുമായി താരതമ്യം ചെയ്യുമ്പോള് രൂപയുടെ മൂല്യത്തിലുണ്ടായ വര്ധനവും വിപണിയെ സ്വാധീനിക്കുന്നുവെന്ന് വേണം പറയാന്. രാവിലെ വിപണി തുറന്നത് 69.33 നിരക്കിലായിരുന്നു. തുടര്ച്ചയായി നാലാം ദിവസമാണ് രൂപ നേട്ടമുണ്ടാക്കുന്നത്.വ്യാഴാഴ്ച 69.35ലായിരുന്നു ക്ലോസായത്. പണലഭ്യത ഉറപ്പുവരുത്താനുള്ള റിസര്വ് ബാങ്ക് നടപടികളാണ് രൂപയെ തുണച്ചതെന്ന് കരുതുന്നു.