രാജ്യത്ത് പ്രകൃതിദത്ത റബറിന്റെ ഉൽപാദനത്തിൽ വൻ ഇടിവ്. ടയർ വ്യവസായ മേഖലയിൽ ആശങ്ക ഉയ‍രുന്നു. ഇതോടെ അസംസ്കൃത വസ്തുക്കളുടെ ലഭ്യത എളുപ്പമാക്കാൻ നടപടി സ്വീകരിക്കണമെന്ന ആവശ്യവുമായി കേന്ദ്ര വാണിജ്യ മന്ത്രാലയത്തിന് അപ്പീൽ സമ‍ർപ്പിച്ചിരിക്കുകയാണ് വ്യവസായികൾ.

ഏപ്രിൽ മുതൽ ജനുവരി വരെയുള്ള കാലയളവിൽ പ്രകൃതിദത്ത റബ്ബറിന്റെ ഉപഭോഗം 12% വർധിച്ചു. എന്നാൽ ഉത്പാദനം 7% കുറഞ്ഞതായി ഓട്ടോമോട്ടീവ് ടയർ മാനുഫാക്ചറേഴ്സ് അസോസിയേഷൻ (എടിഎംഎ) വ്യക്തമാക്കി.

കഴിഞ്ഞ സാമ്പത്തിക വർഷത്തെ ഏപ്രിൽ മുതൽ ജനുവരി വരെയുള്ള കാലയളവിൽ റബറിന്റെ ഉത്പാദനം - ഉപഭോഗം വിടവ് 3.16 ലക്ഷം ടണ്ണായിരുന്നു. എന്നാൽ ഈ സാമ്പത്തിക വർഷം ഈ കാലയളവിൽ ഉത്പാദന - ഉപഭോഗം വിടവ് 4.63 ലക്ഷം ടൺ ആയി വർധിച്ചു.

റബ്ബർ ബോർഡിന്റെ കണക്കുകൾ അനുസരിച്ച് ഏപ്രിലിനും ജനുവരിയ്ക്കുമിടയ്ക്ക് ആഭ്യന്തര റബ്ബർ ഉപഭോഗം 10.2 ലക്ഷം ടൺ ആണ്, ഉൽപ്പാദനം 5.6 ലക്ഷം ടണ്ണും.

malayalam.goodreturns.in