രാജ്യത്തെ പ്രമുഖ വാണിജ്യ ബാങ്കായ ഐഡിബിഐ ബാങ്കിനെ റിസര്വ് ബാങ്ക് സ്വകാര്യ ബാങ്കായി മാറ്റി. 2019 ജനുവരി 21 മുതല് മുന്കാല പ്രാബല്യത്തോടെയാണ് റിസര്വ് ബാങ്ക് ഐഡിബിഐ ബാങ്കിനെ സ്വകാര്യ ബാങ്കായി മാറ്റിയത്.
ലൈഫ് ഇന്ഷുറന്സ് കോര്പ്പറേഷന് ബാങ്കിനെ ഏറ്റെടുത്തതുമായി ബന്ധപ്പെട്ടാണ് റിസര്വ് ബാങ്കിന്റെ ഈ നടപടി. ഐഡിബിഐ ബാങ്കിന്റെ മൊത്തം ഓഹരി മൂലധനത്തിന്റെ 51 ശതമാനം ഓഹരികളാണ് ലൈഫ് ഇന്ഷുറന്സ് കോര്പ്പറേഷന് ഏറ്റെടുത്തത്.
സ്റ്റേറ്റ് ബാങ്ക് ഓഫ് ഇന്ത്യ, ഐസിഐസിഐ, എച്ച്ഡിഎഫ്സി തുടങ്ങിയ ബാങ്കുകൾ ഡൊമസ്റ്റിക് സിസ്റ്റമാറ്റിക്കലി ഇംപോര്ട്ടന്റ് ബാങ്ക്സ് (ഡി-എസ്ഐബി) ആയി തുടരുമെന്നും റിസര്വ് ബാങ്ക് വ്യക്തമാക്കി.
ഐഡിബിഐയുടെ മൊത്തം വായ്പകളുടെ 32 ശതമാനമാണ് നിലവില് കിട്ടക്കടം. എല്ഐസിയുടെ ബാങ്കിംഗ് രംഗത്തേക്കുളള പ്രവേശനം കൂടിയായിരുന്നു ഐഡിബിഐ ബാങ്കിന്റെ ഏറ്റെടുക്കൽ.
malayalam.goodreturns.in