മുംബൈ: ഇന്ത്യന്‍ ഓഹരി വിപണിയില്‍ മുന്നേറ്റം തുടരുന്നു. ഏറെ കയറ്റിറക്കങ്ങള്‍ കണ്ട തിങ്കളാഴ്ച സെന്‍സെക്‌സ് 70.75 പോയിന്റ് നേട്ടത്തില്‍ 38095.07ലും നിഫ്റ്റി 35.35 പോയിന്റ് ലാഭത്തില്‍ 11462.20ലും ക്ലോസ് ചെയ്തു. മുംബൈ ഓഹരി സൂചിക ആറുമാസത്തെ ഏറ്റവും ഉയര്‍ന്ന നിരക്കാണ് രേഖപ്പെടുത്തിയത്.

പ്രസ്റ്റീജ് എസ്റ്റേറ്റ് പ്രൊ, ബോംബെ ഡൈയിങ്, ജസ്റ്റ് ഡയല്‍, ദിലിപ് ബില്‍ഡ് കോണ്‍, ജമ്മു കശ്മീര്‍ ബാങ്ക് എന്നിവയുടെ ഓഹരികളാണ് കൂടുതല്‍ നേട്ടമുണ്ടാക്കിയത്. പ്രസ്റ്റീജ് ഒറ്റ ദിവസം കൊണ്ട് 16.32 ശതമാനത്തിന്റെ നേട്ടത്തോടെ 250.20ലാണ് ക്ലോസ് ചെയ്തത്. വെറും 35 രൂപ മാത്രമുണ്ടായിരുന്ന ജെകെ ബാങ്ക് മൂന്നു മാസം കൊണ്ട് 50രൂപയിലേക്കെത്തിയത് ആരൈയും അത്ഭുതപ്പെടുത്തുന്ന പ്രകടനം തന്നെയാണ്.

അനില്‍ അംബാനിയുടെ റിലയന്‍സ് ക്യൂണിക്കേഷന്‍ തകര്‍ച്ച തുടരുകയാണ്. ഡിസംബറില്‍ 14 രൂപയുണ്ടായിരുന്ന ഓഹരിയുടെ തിങ്കളാഴ്ചത്തെ വില വെറും നാലു രൂപയാണ്. മന്‍പസന്ദ് ബിവറേജസ്, സ്റ്റെറിലൈറ്റ് ടെക്‌നോളി, ടിടികെ പ്രസ്റ്റീജ്, ഇന്ത്യാബുള്‍ ഇന്റഗ്രേറ്റ് തുടങ്ങിയ കമ്പനികള്‍ക്കും നല്ല ദിവസമായിരുന്നില്ല.