അബുദാബി വിമാനത്താവളത്തില്‍ നിന്നുള്ള എല്ലാ സര്‍വീസുകളും നിര്‍ത്തി വച്ചതായി ജെറ്റ് എയര്‍വെയ്‌സ്. സാങ്കേതിക കാരണങ്ങളാല്‍ തിങ്കള്‍ മുതല്‍ അനിശ്ചിത കാലത്തേക്കാണ് സേവനം അവസാനിപ്പിക്കുന്നത്. ഇത് നിരവധി യാത്രക്കാരെ പ്രതികൂലമായി ബാധിച്ചേക്കാം.

അബുദാബി ദേശീയ വിമാനക്കമ്പനിയായ ഇത്തിഹാദ് എയർവേസിന് 24 ശതമാനം​ ഓഹരി പങ്കാളിത്തമുള്ള ജെറ്റ് എയർവെയ്സിൽ. ജെറ്റ് എയർവെയ്സ് സാങ്കേതിക കാരണങ്ങളാലാണ് സർവീസ് നിർത്തുന്നതെന്നും യാത്രക്കാർ ഓഫീസുമായി ബന്ധപ്പെടണമെന്നും അറിയിച്ചിരിക്കുന്നതും​ ഇത്തിഹാദ് എയർവേസ്​ ആണ്.

എന്നാൽ ജെറ്റ്​ എയർവേസിന്‍റെ ഭാഗത്തു നിന്ന്​ ഔദ്യോഗിക വിശദീകരണമൊന്നും ഇതുവരെ ലഭിച്ചിട്ടില്ല. ജെറ്റ്​ എയർവേസി​ന്‍റെ രണ്ടു രാജ്യാന്തര ഹബ്ബുകളിലൊന്നാണ് അബുദാബി. അബുദാബി സര്‍വ്വീസുകള്‍ നിര്‍ത്താന്‍ തീരുമാനിച്ചതോടെ ഇന്ത്യയില്‍ നിന്നുള്ള യാത്രക്കാർക്ക് ബുദ്ധിമുട്ട് നേരിടും. വളരെ പെട്ടന്ന് വിമാനങ്ങള്‍ റദ്ദാക്കാന്‍ തീരുമാനിച്ചതോടെ അബുബാദി വഴി യാത്ര ചെയ്യുന്നവര്‍ക്കും തിരിച്ചടിയാകും.

മൂന്നു വര്‍ഷങ്ങള്‍ക്ക് മുന്‍പ് ജെറ്റ് - എത്തിഹാദ് പങ്കാളിത്തം ആരംഭിച്ചപ്പോള്‍ അബുദാബിയില്‍ നിന്ന് പ്രതിവാരം 250 വിമാനങ്ങൾ ഇന്ത്യയിലേയ്ക്ക് എത്തിയിരുന്നു. എന്നാൽ സാമ്പത്തികമായി കമ്പനിക്ക് തിരിച്ചടി നേരിടാൻ തുടങ്ങിയതോടെയാണ് സര്‍വ്വീസുകള്‍ വൻ തോതില്‍ വെട്ടിച്ചുരുക്കിയത്.

malayalam.goodreturns.in