എം.എ യൂസഫലി

പ്രമുഖ റീട്ടെയിൽ വ്യവസായിയും മലയാളിയുമായ എം.എ യൂസഫ് അലിയ്ക്ക് പട്ടികയിൽ 394-ാം സ്ഥാനമാണുള്ളത്. 4.7 ബില്ല്യൻ ഡോളറാണ് യൂസഫ് അലിയുടെ ആസ്തി. പത്മശ്രീ ജേതാവായ യൂസഫ് അലി ലുലു ഗ്രൂപ്പിന്റെ ചെയർമാനും മാനേജിങ് ഡയറക്ടറുമാണ്. തൃശ്ശൂർ ജില്ലയിലെ നാട്ടിക സ്വദേശിയാണ് ഇദ്ദേഹം.

മിക്കി ജഗ്തിനി

ദുബായ് ആസ്ഥാനമായുള്ള ലാൻഡ് മാർക്കറ്റ് റീട്ടെയിൽ സ്റ്റോർ ഗ്രൂപ്പിന്റെ ഉടമയായ മിക്കി ജഗ്തിനിയാണ് യുഎഇയിൽ നിന്നുള്ള അടുത്ത കോടീശ്വരൻ. 4 ബില്യൺ ഡോളറാണ് ഇദ്ദേഹത്തിന്റെ ആസ്തി. ഫോബ്സ് പട്ടികയിൽ 478-ാം റാങ്കാണ് ഈ ബിസിനസുകാരൻ നേടിയിരിക്കുന്നത്. കുവൈറ്റിലാണ് ജനിച്ചതെങ്കിലും ചെന്നൈ, മുംബൈ, ബെയ്റൂട്ട് എന്നിവിടങ്ങളിലായിരുന്നു ഇദ്ദേഹം സ്കൂൾ വിദ്യാഭ്യാസം പൂർത്തിയാക്കിയത്.

ബി.ആർ ഷെട്ടി

അബുദാബി ആസ്ഥാനമായുള്ള എൻഎംസി ഹെൽത്ത്കെയറിന്റെ സ്ഥാപകനും ചെയർമാനുമായ ബി.ആർ ഷെട്ടിയാണ് യുഎഇ വ്യവസായിയാ മൂന്നാമത്തെ ഇന്ത്യക്കാരൻ. 2.8 ബില്യൺ ഡോളറിൻറെ ആസ്തിയാണ് ഷെട്ടിക്കുള്ളത്. 804 ആണ് ഫോബ്സ് പട്ടികയിലെ റാങ്ക്. ലോകത്തിലെ ഏറ്റവും ഉയരം കൂടിയ കെട്ടിടമായ ദുബായിലെ ബുർജ് ഖലീഫയിലെ രണ്ട് നിലകൾ ഇദ്ദേഹത്തിന് സ്വന്തമാണ്. കർണാടകയിലെ ഉഡുപ്പി സ്വദേശിയാണ് ഈ കോടീശ്വരൻ.

സണ്ണി വർക്കി

കേരളത്തിൽ നിന്നുള്ള വിദ്യാഭ്യാസ സംരംഭകനും സന്നദ്ധപ്രവർത്തകയുമായ സണ്ണി വർക്കിക്ക് 2.4 ബില്യൺ ഡോളറിൻറെ ആസ്തിയാണുള്ളത്. ഫോബ്സ് പട്ടികയിൽ 962-ാം സ്ഥാനത്താണ് സണ്ണി വർക്കി.

പിഎൻസി മേനോൻ

കേരളത്തിലെ തൃശൂരിൽ നിന്നുള്ള പിഎൻസി മേനോന് 1.1 ബില്ല്യൻ ഡോളർ ആസ്തിയാണുള്ളത്. പട്ടികയിൽ 1,941-ാം റാങ്കാണ് ഇദ്ദേഹത്തിന്. ഒമാനിലാണ് പിഎൻസി മേനോന്റെ ബിസിനസുകൾ.