നീരവ് മോദിയും വിജയ് മല്യയും ഇന്ത്യയില്‍ ഒരേ സെല്ലിലായിരിക്കുമോ കഴിയുക? ചോദ്യം ബ്രിട്ടീഷ് മജിസ്‌ട്രേറ്റിന്റേത്

By
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ലണ്ടന്‍: നീരവ് മോദിയും വിജയ് മല്യയും ബ്രിട്ടനില്‍ നിന്ന് നാടുകടത്തപ്പെട്ട് ഇന്ത്യയിലെത്തിയാല്‍ ജയിലിലെ ഒരേ സെല്ലില്‍ തന്നെയായിരിക്കുമോ ഇരുവരും കഴിയുകയെന്ന് ബ്രിട്ടീഷ് മജിസ്‌ട്രേറ്റിന്റെ ചോദ്യം. പഞ്ചാബ് നാഷനല്‍ ബാങ്കില്‍ നിന്ന് 13000 കോടി രൂപയുടെ സാമ്പത്തിക തട്ടിപ്പ് നടത്തി രാജ്യം വിട്ട് ബ്രിട്ടനില്‍ കഴിയുന്ന വജ്രവ്യാപാരി നീരവ് മോദിയുടെ രണ്ടാം ജാമ്യാപേക്ഷ പരിഗണിക്കുന്ന വേളയിലായിരുന്നു വെസ്റ്റ്മിന്‍സ്റ്റര്‍ കോടതിയിലെ ചീഫ് മജിസ്ട്രേറ്റ് എമ്മ ആര്‍ബുദ്‌നോട്ടിന്റെ തമാശച്ചോദ്യം.

 
നീരവ് മോദിയും വിജയ് മല്യയും ഇന്ത്യയില്‍ ഒരേ സെല്ലിലായിരിക്കുമോ കഴിയുക? ചോദ്യം ബ്രിട്ടീഷ് മജിസ്‌ട്രേറ

സാമ്പത്തിക തട്ടിപ്പുകേസില്‍ ലണ്ടനില്‍ കഴിയുന്ന മദ്യവ്യവസായി വിജയ് മല്യയെ ഇന്ത്യയ്ക്ക് കൈമാറാന്‍ നല്‍കിയ ഉത്തരവിന്റെ പശ്ചാത്തലത്തിലായിരുന്നു ചീഫ് മജിസ്ട്രേറ്റിന്റെ പ്രൊസിക്യൂഷനോടുള്ള ഈ ചോദ്യം. മോദിയെ എവിടേക്ക് വിട്ടുകിട്ടണമെന്നാണ് ഇന്ത്യയുടെ ആവശ്യമെന്നായിരുന്നു ജഡ്ജിയുടെ ആദ്യ ചോദ്യം. ഇതിനുള്ള മറുപടിയായി മുംബൈയിലേക്കാണ് നീരവ് മോദിയെ ഇന്ത്യ ആവശ്യപ്പെട്ടിട്ടുള്ളതെന്നും വിജയ് മല്യയെ പാര്‍പ്പിക്കുന്ന അതേ ജയിലില്‍ തന്നെയാവും വിചാരണ വേളയില്‍ നീരവ് മോദിയെയും താമസിപ്പിക്കുകയെന്നും ഇന്ത്യയ്ക്കു വേണ്ടി കേസ് വാദിക്കുന്ന ക്രൗണ്‍ പ്രോസിക്യൂഷന്‍ സര്‍വീസ് അറിയിച്ചു. അപ്പോഴാണ് വിജയ് മല്യ കിടക്കുന്ന അതേ സെല്ലിലാണോ നീരവ് മോദിയെയും പാര്‍പ്പിക്കുക എന്ന് എമ്മ ആര്‍ബുദ്‌നോട് തമാശയായി ചോദിച്ചത്.

 

50 പൈസയില്‍ നിന്ന് തുടങ്ങി കോടീശ്വരിയിലേക്ക്; പാട്രീഷ്യ നാരായണന്റെ വളര്‍ച്ച നിങ്ങളെ അല്‍ഭുതപ്പെടുത്തും50 പൈസയില്‍ നിന്ന് തുടങ്ങി കോടീശ്വരിയിലേക്ക്; പാട്രീഷ്യ നാരായണന്റെ വളര്‍ച്ച നിങ്ങളെ അല്‍ഭുതപ്പെടുത്തും

ഒരു സെല്ലില്‍ ഇരുവര്‍ക്കും കഴിയാനുള്ള സ്ഥലം ഉണ്ടല്ലോ എന്നും ജഡ്ജി കൂട്ടിച്ചേര്‍ത്തു. മല്യയുടെ കേസ് പരിഗണിക്കുന്ന സമയത്ത് മല്യയെ പാര്‍പ്പിക്കാനിരിക്കുന്ന ആര്‍തര്‍ റോഡ് ജയില്‍ സെല്ലിന്റെ വീഡിയോ പ്രൊസിക്യൂഷന്‍ മജിസ്‌ത്രേറ്റിനെ കാണിച്ചിരുന്നു.9000 കോടി രൂപയുടെ സാമ്പത്തിക തട്ടിപ്പുകേസില്‍ രാജ്യം വിട്ട വിജയ്മല്യയെ ഇന്ത്യയ്ക്കു കൈമാറാന്‍ ലണ്ടന്‍ കോടതി തീരുമാനിച്ചിരുന്നുവെങ്കിലും ബ്രിട്ടീഷ് ഹൈക്കോടതിയില്‍ ഇതിനെതിരേ അപ്പീല്‍ നല്‍കിയിരിക്കുകയാണ് മല്യ. കഴിഞ്ഞ ദിവസം ലണ്ടനില്‍ അറസ്റ്റിലായ നീരവ് മോദിയുടെ ജാമ്യാപേക്ഷ തള്ളിയ ലണ്ടന്‍ കോടതി അടുത്ത 26ന് കേസ് പരിഗണിക്കുമെന്ന് അറിയിച്ചിരുന്നു.

English summary

hearing of Nirav Modi at the UK court

hearing of Nirav Modi at the UK court
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X