ബജറ്റ് എയർലൈനായ ഇൻഡിഗോയുടെ ചീഫ് പ്ലാനിംഗ് ഓഫീസർ മൈക്കിൾ സ്വിടെക് രാജിവച്ചു. 2018 ഡിസംബറിനു ശേഷം രാജി വയ്ക്കുന്ന രണ്ടാമത്തെ എക്സിക്യൂട്ടീവ് ഡയറക്ടറാണ് ഇദ്ദേഹം.

കഴിഞ്ഞ വർഷം തുടക്കത്തിലാണ് മൈക്കിൾ സ്വിടെക് ഇൻഡിഗോയിൽ നിയമിതനായത്. ഇൻഡിഗോയുടെ അന്താരാഷ്ട്ര റൂട്ടുകളുടെ പ്ലാനിം​ഗ് ഓഫീസറായിരുന്നു ഇദ്ദേഹം. മുമ്പ് ചിലി ആസ്ഥാനമായി പ്രവർത്തിച്ചിരുന്ന ലതാം എയർലൈൻസിൽ ആണ് പ്രവർത്തിച്ചിരുന്നത്.

വ്യക്തിപരമായ കാരണങ്ങളാലാണ് മൈക്കിൾ ഇൻഡി​ഗോയിൽ നിന്ന് രാജി വച്ചതെന്നാണ് ഔദ്യോ​ഗിക വൃത്തകളിൽ നിന്നുള്ള വിവരം. ആഭ്യന്തര വിമാന സർവ്വീസുകളിൽ ഒന്നാം സ്ഥാനം നിലനിർത്തിയിരുന്ന ഇൻഡി​ഗോ നിലവിൻ പിന്നോട്ട് വലിഞ്ഞു.

ഏറ്റവും മോശം നിലവാരമുള്ള എയർ ഇന്ത്യയുടെ തൊട്ട് മുന്നിൽ മാത്രമാണ് ഇൻഡി​ഗോയുടെ നിലവിലെ സ്ഥാനം. ​ഗോ എയറാണ് ആഭ്യന്തര വിമാന സർവ്വീസുകളിൽ ഇപ്പോൾ ഒന്നാം സ്ഥാനത്തുള്ളത്.

malayalam.goodreturns.in