സംസ്ഥാനത്ത് സ്വർണ വില കുത്തനെ ഇടിഞ്ഞു. പവന് 23480 രൂപയ്ക്കും ​ഗ്രാമിന് 2935 രൂപയുമാണ് ഇന്നത്തെ സ്വർണ വില. ഇന്നലെയും ഇതേ വിലയ്ക്കാണ് വ്യാപാരം നടന്നത്.

ഈ മാസം തുടക്കം മുതൽ തന്നെ സ്വർണ വില കുത്തനെ താഴുകയാണ്. ഏപ്രിൽ ഒന്ന്, രണ്ട് തീയതികളിൽ പവന് 23720 രൂപയായിരുന്നു സ്വർണ വില. മാർച്ച് അവസാനവും സ്വർണ വിലയുടെ ​ഗ്രാഫ് കുത്തനെ താഴേയ്ക്കായിരുന്നു. മാർച്ചിലെ ഏറ്റവും കുറഞ്ഞ വില 23600 രൂപയാണ്.

ജനുവരിക്ക് ശേഷമുള്ള ഏറ്റവും കുറഞ്ഞ നിരക്കാണ് ഇന്നത്തേത്. ജനുവരിയിൽ സ്വർണ വില 23440 രൂപ വരെ കുറഞ്ഞിരുന്നു. ആഭരണ ആവശ്യകത കുറഞ്ഞതാണ്‌ വില കുറയാനുള്ള പ്രാധാന കാരണമെന്ന് വ്യാപാരികൾ പറയുന്നു.

കഴിഞ്ഞ മാസത്തെ ഏറ്റവും കൂടിയ നിരക്ക് പവന് 24520 രൂപയാണ്. മാർച്ച് ഒന്നിനാണ് ഈ നിരക്കിൽ വിൽപ്പന നടന്നത്. ഫെബ്രുവരി 20 നാണ് ചരിത്രത്തിലെ ഏറ്റവും ഉയര്‍ന്ന വില സ്വര്‍ണത്തിന് രേഖപ്പെടുത്തിയത്. ​ഗ്രാമിന് 3,145 രൂപയും പവന് 25,160 രൂപയുമായിരുന്നു അന്നത്തെ സ്വര്‍ണ വില.

 malayalam.goodreturns.in