അബുദാബിയിൽ 18 കോടിയുടെ ലോട്ടറി അടിച്ച ഇന്ത്യക്കാരനെ കണ്ടെത്തി

മംഗളൂരു സ്വദേശി

മംഗളുരു സ്വദേശി രവീന്ദ്ര ബോലൂറിനാണ് ഒന്നാം സമ്മാനമായ ഒരു കോടി ദിര്‍ഹം (ഏകദേശം 18 കോടിയിലധികം ഇന്ത്യന്‍ രൂപ) ലഭിച്ചത്. നറുക്കെടുപ്പ് കഴിഞ്ഞ ഉടന്‍ വേദിയില്‍ വെച്ചുതന്നെ അദ്ദേഹത്തെ വിവരമറിയിക്കാനായി ഫോണ്‍ ചെയ്തെങ്കിലും മറുപടിയൊന്നും ലഭിച്ചില്ല.

എയർപോർട്ടിൽ വച്ച് എടുത്ത ടിക്കറ്റ്

26ന് നാട്ടിലേയ്ക്ക് പോകും വഴി സുഹൃത്തുക്കളുമായി ചേര്‍ന്ന് എയര്‍പോര്‍ട്ടില്‍ വച്ച് എടുത്ത ടിക്കറ്റിനാണ് സമ്മാനമടിച്ചത്. വിജയിയെ കണ്ടെത്തിയതിന് സഹായിച്ച എല്ലാവര്‍ക്കും ബിഗ് ടിക്കറ്റ് അധികൃതര്‍ പുതിയ വീഡിയോ പോസ്റ്റിലൂടെ നന്ദി അറിയിക്കുകയും ചെയ്തു.

രണ്ടാം സമ്മാനവും ഇന്ത്യക്കാരന്

രണ്ടാം സമ്മാനമായ ലാന്റ് റോവര്‍ കാറും ഇന്ത്യക്കാരന് തന്നെയാണ് ലഭിച്ചത്. ആദ്യ 10 സമ്മാനങ്ങളില്‍ അഞ്ചെണ്ണവും ഇന്ത്യക്കാര്‍ തന്നെയാണ് സ്വന്തമാക്കിയിരിക്കുന്നത്.