ഇന്ത്യക്കെതിരേ ആഞ്ഞടിച്ച് ട്രംപ്; ഇന്ത്യയുമായുള്ള വ്യാപാരം മണ്ടത്തരം

ഇന്ത്യയുമായുള്ള വ്യാപാരത്തിന്റെ കാര്യത്തില്‍ വേണ്ട നടപടികള്‍ കൈക്കൊള്ളേണ്ടതുണ്ടെന്ന് അദ്ദേഹം അമേരിക്കന്‍ ഭരണകൂടത്തിന് നിര്‍ദ്ദേശം നല്‍കുകയുമുണ്ടായി. ലാസ് വേഗാസില്‍ നടന്ന റിപ്പബ്ലിക്കന്‍ ജ്യൂയിഷ് കോയിലീഷന്‍ യോഗത്തില്‍ സംസാരിക്കവെയാണ് ട്രംപിന്റെ പുതിയ പ്രസ്താവന.  ഇന്ത്യ മഹത്തായ രാജ്യമാണെന്നും പ്രധാനമന്ത്രി നരേന്ദ്ര മോദി നല്ല സുഹൃത്താണെന്നും പറഞ്ഞാണ് 100 ശതമാനത്തിലേറെ നികുതി ചുമത്തുന്നതായി കുറ്റപ്പെടുത്തിയത്. അതേസമയം, ഇന്ത്യന്‍ ഉല്‍പ്പന്നങ്ങള്‍ക്കെതിരേ തിരിച്ചും നികുതി ഏര്‍പ്പെടുത്തുന്നതിന് സെനറ്റംഗങ്ങളില്‍ നിന്ന് എതിര്‍പ്പ് ഉണ്ടെന്നും അദ്ദേഹം പറഞ്ഞു.

ഉള്ളടക്കങ്ങള്‍ ഉടന്‍ നീക്കിയില്ലെങ്കില്‍ ഫെയ്‌സ്ബുക്ക് ഉള്‍പ്പെടെ അടച്ചു പൂട്ടാന്‍ നിയമം

അങ്ങനെ ചെയ്യരുതെന്ന് പറയുന്ന സെനറ്റര്‍മാര്‍ എനിക്കുണ്ട്. ഇത് സ്വതന്ത്രവ്യാപാരമല്ല- അദ്ദേഹം പറഞ്ഞു. ഇത്തരം മണ്ടന്‍ വ്യാപാരത്തിലൂടെ അമേരിക്കയ്ക്ക് ഒരു വര്‍ഷം 800 ബില്യന്‍ ഡോളറാണ് നഷ്ടപ്പെട്ടുകൊണ്ടിരിക്കുന്നത്. ആരാണ് ഈ വൃത്തികെട്ട കരാറുണ്ടാക്കിയത്? ഇവര്‍ക്കൊന്നും വിലപേശാന്‍ അറിയില്ല. ഡെമോക്രാറ്റുകളാണ് ഇത്തരം കരാറുകളില്‍ പലതും ഉണ്ടാക്കിയതെന്നും അദ്ദേഹം പറഞ്ഞു. അവര്‍ (ഇന്ത്യക്കാര്‍) 800 ബില്യന്‍ ഡോളറാണ് ഇതുവഴി ഉണ്ടാക്കിയത്. അത് നാം തിരിച്ചുപിടിക്കുകയാണെന്നും ട്രംപ് പറഞ്ഞു.