ഏറ്റവും ഉയർന്ന നിരക്ക്

ഈ മാസത്തെ ഏറ്റവും ഉയര്‍ന്ന നിരക്കാണ് ഇന്ന് സ്വര്‍ണത്തിന് രേഖപ്പെടുത്തിയത്. ഇന്നലെ പവന് 23680 രൂപയായിരുന്നു വില. ഫെബ്രുവരി 20 നാണ് ചരിത്രത്തിലെ ഏറ്റവും ഉയര്‍ന്ന വില സ്വര്‍ണത്തിന് രേഖപ്പെടുത്തിയത്. ഗ്രാമിന് 3,145 രൂപയും പവന് 25,160 രൂപയുമായിരുന്നു സ്വര്‍ണ നിരക്ക്.

ഏപ്രിലിലെ സ്വർണ വിപണി

ഈ മാസം തുടക്കത്തിൽ സ്വർണ വില കുത്തനെ താഴുകയാണ്. ഏപ്രിൽ ഒന്ന്, രണ്ട് തീയതികളിൽ പവന് 23720 രൂപയായിരുന്നു സ്വർണ വില. എന്നാൽ ഏപ്രിൽ മൂന്ന്, നാല് തീയതികളിൽ ഈ മാസത്തെ ഏറ്റവും കുറഞ്ഞ നിരക്കായ 23480 രൂപയ്ക്കാണ് വ്യാപാരം നടന്നത്.

മാർച്ചിലെ സ്വർണ വില

മാർച്ച് അവസാനം മുതൽ സ്വർണ വിലയുടെ ​ഗ്രാഫ് താഴേയ്ക്കാണ്. മാർച്ചിലെ ഏറ്റവും കുറഞ്ഞ വില 23600 രൂപയാണ്. കഴിഞ്ഞ മാസത്തെ ഏറ്റവും കൂടിയ നിരക്ക് പവന് 24520 രൂപയാണ്. മാർച്ച് ഒന്നിനാണ് ഈ നിരക്കിൽ വിൽപ്പന നടന്നത്. പിന്നീട് വില കുറയുകയായിരുന്നു.

ആ​ഗോള വിപണി

ഒരു ട്രോയ് ഔൺസ് സ്വർണത്തിന് (31.1 ഗ്രാം) 1,297.29 ഡോളറാണ് ഇന്നത്തെ നിരക്ക്. ആ​ഗോള വിപണിയിലെ മാറ്റങ്ങൾ ഇന്ന് ആഭ്യന്തര സ്വർണ വിപണിയെയും ബാധിച്ചിട്ടുണ്ട്.