രാജ്യത്തെ വിവര സാങ്കേതിക വിദ്യ (ഐടി) കയറ്റുമതിയിൽ കുതിപ്പ്. മുൻ വർഷത്തെ അപേക്ഷിച്ച് വളർച്ചാ നിരക്ക് 9.2 ശതമാനമാണ് ഉയർന്നിരിക്കുന്നത്. എന്നാൽ പുതിയ റിപ്പോർട്ടുകളുസരിച്ച് ഈ വളർച്ചാ നിരക്ക് കുറയാൻ സാധ്യതയുണ്ട്.

ടാറ്റ കൺസൾട്ടൻസി സർവീസസ് ലിമിറ്റഡ് പോലുള്ള കമ്പനികൾ ഉയർന്ന വളർച്ചാ നിരക്ക് രേഖപ്പെടുത്തുന്നുണ്ടെങ്കിലും ആഗോളത്തിൽ ഐടി വ്യവസായം മാന്ദ്യത്തിലാണ്. ഇതാണ് വളർച്ചാ നിരക്ക് കുറയാനുള്ള കാരണമായി ചൂണ്ടിക്കാട്ടുന്നത്.

2018 അവസാന പാദത്തിൽ പ്രമുഖ ഐടി കമ്പനിയായ ആക്സഞ്ച്വർ 11 ശതമാനം വളർച്ചയാണ് രേഖപ്പെടുത്തിയത്. എന്നാൽ, ഈ വർഷം ഒന്നാം പാദത്തിൽ വളർച്ച 9.5% വും രണ്ടാം പാദത്തിൽ 9% വും ആയി കുറഞ്ഞു. ഇതനുസരിച്ച് മൂന്നാമത്തെയും നാലാമത്തെയും പാദങ്ങളിൽ യഥാക്രമം 8.5 ശതമാനവും 7 ശതമാനവുമാണ് വളർച്ച പ്രതീക്ഷിക്കുന്നത്.

മാർച്ച് - ആഗസ്ത് കാലയളവിലും ആക്സഞ്ചറിന്റെ വളർച്ച ഇടിഞ്ഞു കൊണ്ടിരിക്കുകയാണ്. സാധരണ​ഗതിയിൽ ഐടി മേഖലയിൽ മികച്ച വളർച്ച നേടേണ്ട കാലയളവാണിത്. എന്നിരുന്നാലും 2019 സാമ്പത്തിക വർഷത്തെ വളർച്ചാ നിരക്കിനോട് അടുത്ത വളർച്ചയായിരിക്കും 2020ലും നേടുകയെന്നാണ് മേഖലയിലെ വിദ​ഗ്ധരുടെ വിലയിരുത്തൽ.

malayalam.goodreturns.in