സ്വർണത്തിന് ഇന്നും വിലക്കുറവ്. ഇന്നലത്തെ വിലയായ ഗ്രാമിന് 2,935 രൂപയും പവന് 23,480 രൂപയുമാണ് സംസ്ഥാനത്ത് ഇന്നും സ്വര്‍ണത്തിന്റെ നിരക്ക്.

ഈ മാസത്തെ ഏറ്റവും കുറഞ്ഞ വിലയാണ് ഇന്നലെയും ഇന്നും രേഖപ്പെടുത്തിയിരിക്കുന്നത്. ഏപ്രിൽ 3, 4 തീയതികളിലും ഈ വിലയ്ക്കാണ് വ്യാപാരം നടന്നത്. ഈ മാസത്തെ ഏറ്റവും കൂടിയ വില 23920 രൂപയാണ്.

ഈ ആഴ്ച്ച തുടക്കം മുതൽ സ്വർണ വില കുറഞ്ഞു വരികയാണ്. മാർച്ചിലെ ഏറ്റവും കുറഞ്ഞ വില 23600 രൂപയാണ്. കഴിഞ്ഞ മാസത്തെ ഏറ്റവും കൂടിയ നിരക്ക് പവന് 24520 രൂപയാണ്. മാർച്ച് ഒന്നിനാണ് ഈ നിരക്കിൽ വിൽപ്പന നടന്നത്. പിന്നീട് വില കുറയുകയായിരുന്നു.

2019 ഫെബ്രുവരി 20 നാണ് ചരിത്രത്തിലെ ഏറ്റവും ഉയര്‍ന്ന വില സ്വര്‍ണത്തിന് രേഖപ്പെടുത്തിയത്. ഗ്രാമിന് 3,145 രൂപയും പവന് 25,160 രൂപയുമായിരുന്നു സ്വര്‍ണ നിരക്ക്.

 malayalam.goodreturns.in