തുടർച്ചയായ മൂന്നാം ദിവസവും സ്വർണ വിലയിൽ മാറ്റമില്ല. പവന് 23,480 രൂപയിലും ഗ്രാമിന് 2,935 രൂപയിലുമാണ് വ്യാപാരം പുരോഗമിക്കുന്നത്. ഏപ്രില്‍ മാസത്തിലെ ഏറ്റവും കുറഞ്ഞ നിരക്കാണിത്.

ഏപ്രിൽ ആദ്യ വാരവും ഈ വിലയ്ക്ക് വ്യാപാരം നടന്നിരുന്നു. ഏപ്രിൽ 3, 4 തീയതികളിലായിരുന്നു ഇത്. ഏപ്രിലിലെ ഏറ്റവും കൂടിയ വില 23920 രൂപയാണ്. ഏപ്രിൽ 9നാണ് ഈ വിലയ്ക്ക് വ്യാപാരം നടന്നത്. ഈ ആഴ്ച്ച തുടക്കം മുതൽ സ്വർണ വില കുറഞ്ഞു വരികയായിരുന്നു.

കഴിഞ്ഞ മാസത്തെ ഏറ്റവും കുറഞ്ഞ വില 23600 രൂപയാണ്. മാർച്ചിലെ ഏറ്റവും കൂടിയ നിരക്ക് പവന് 24520 രൂപയുമാണ്. മാർച്ച് ഒന്നിനാണ് ഈ നിരക്കിൽ വിൽപ്പന നടന്നത്. പിന്നീട് വില കുറയുകയായിരുന്നു.

2019 ഫെബ്രുവരി 20 നാണ് ചരിത്രത്തിലെ ഏറ്റവും ഉയര്‍ന്ന വില സ്വര്‍ണത്തിന് രേഖപ്പെടുത്തിയത്. ഗ്രാമിന് 3,145 രൂപയും പവന് 25,160 രൂപയുമായിരുന്നു അന്ന് സ്വര്‍ണ നിരക്ക്.

malayalam.goodreturns.in