ആഭ്യന്തര, അന്താരാഷ്ട്ര വിമാന ടിക്കറ്റുകള്‍ക്ക് വന്‍ ഇളവുകളുമായി ഗോ എയര്‍. ആഭ്യന്തര റൂട്ടുകളില്‍ 2,765 രൂപ മുതലാണ് ടിക്കറ്റ് നിരക്കുകള്‍ ആരംഭിക്കുന്നത്. അന്താരാഷ്ട്ര റൂട്ടുകളിലെ ടിക്കറ്റ് നിരക്കുകള്‍ 7,000 രൂപ മുതലാണ് ആരംഭിക്കുക.

ഏപ്രില്‍ 18 മുതല്‍ 24 വരെയുളള ബുക്കിം​ഗിനാണ് ഇളവുകള്‍ ബാധകമാകുക. കേരളത്തിൽ നിന്നുള്ള വിമാനങ്ങൾക്ക് നിരക്ക് ഇളവ് ലഭ്യമാണ്. കണ്ണൂര്‍, കൊച്ചി തുടങ്ങിയ ഇടങ്ങളില്‍ നിന്നുളള സര്‍വീസുകള്‍ക്കാണ് ഇളവുകള്‍ പ്രഖ്യാപിച്ചിട്ടുള്ളത്.

ദില്ലി- ഹൈദരാബാദ്- കൊച്ചി റൂട്ടില്‍ 3,548 രൂപ നിരക്കില്‍ ടിക്കറ്റുകള്‍ ഗോ എയര്‍ വെബ്സൈറ്റ് വഴി ബുക്ക് ചെയ്യാം. കണ്ണൂര്‍- ചെന്നൈ- പൂനെ റൂട്ടില്‍ 3,839 രൂപ മുതല്‍ ഇളവുകളോടെയും ടിക്കറ്റ് ലഭിക്കും. കണ്ണൂര്‍- ബാംഗ്ലൂര്‍- ലക്നൗ റൂട്ടില്‍ യാത്ര ചെയ്യാന്‍ ടിക്കറ്റ് നിരക്ക് 3,788 രൂപ മുതലാണ് തുടങ്ങുക.

ഓഫര്‍ ടിക്കറ്റുകളുടെ കൂടുതല്‍ വിവരങ്ങള്‍ക്കും ബുക്കിങിനും ഗോ എയറിന്‍റെ വെബ്സൈറ്റ് സന്ദർശിക്കുക. ​ഗോ എയറിനൊപ്പം വിസ്താരയും ആഭ്യന്തര വിമാന ടിക്കറ്റിന് 10 ശതമാനം ഡിസ്കൗണ്ട് വാഗ്ദാനം ചെയ്യുന്നുണ്ട്. സ്പൈസ് ജെറ്റ് മുംബൈയിൽ നിന്ന് പുതിയ വിമാന സർവീസുകളും പ്രഖ്യാപിച്ചിട്ടുണ്ട്.

 malayalam.goodreturns.in