അന്താരാഷ്ട്ര വിമാന ടിക്കറ്റ് നിരക്കുകളില് വന് ഇളവുകള് പ്രഖ്യാപിച്ച് എയര് ഏഷ്യ. ടിക്കറ്റ് നിരക്കുകളില് 70 ശതമാനത്തിന്റെ വരെ പ്രത്യേക ഡിസ്കൗണ്ടാണ് എയര് ഏഷ്യ പ്രഖ്യാപിച്ചിരിക്കുന്നത്.
ഇന്ത്യയിലെ വിവിധ നഗരങ്ങളില് നിന്ന് ബാങ്കോക്, കോലാലംപൂർ എന്നിവടങ്ങളിലേക്കുളള യാത്രകള്ക്കാണ് നിരക്കിളവ് ബാധകമാകുക. ഏപ്രില് 22 ന് ആരംഭിച്ച ഓഫര് ടിക്കറ്റ് വില്പ്പന 28 ന് അവസാനിക്കും.
കൊച്ചി, ബെംഗളൂരു, ഭുവനേശ്വര്, കൊല്ക്കത്ത, ചെന്നൈ, തിരുച്ചി, വിശാഖപട്ടണം, ദില്ലി, ജയ്പൂര്, അഹമ്മദാബാദ്, അമൃത്സര്, ഹൈദരാബാദ് എന്നിവടങ്ങളില് നിന്നുളള സര്വീസുകള്ക്കാണ് നിരക്കിളവ് ലഭിക്കുക. 2019 ഒക്ടോബര് ഒന്ന് മുതല് 2020 ജൂണ് രണ്ട് വരെയുളള ടിക്കറ്റുകൾ ഈ നിരക്കിൽ ബുക്ക് ചെയ്യാവുന്നതാണ്.
ആഭ്യന്തര, അന്താരാഷ്ട്ര വിമാന ടിക്കറ്റുകള്ക്ക് വന് ഇളവുകളുമായി ഗോ എയറും രംഗത്തെത്തിയിട്ടുണ്ട്. ആഭ്യന്തര റൂട്ടുകളില് 2,765 രൂപ മുതലാണ് ഗോ എയറിൽ ടിക്കറ്റ് നിരക്കുകള് ആരംഭിക്കുന്നത്. അന്താരാഷ്ട്ര റൂട്ടുകളിലെ ടിക്കറ്റ് നിരക്കുകള് 7,000 രൂപ മുതൽ ലഭ്യമാണ്. ഏപ്രിൽ 24 ആണ് ഗോ എയറിൽ ഓഫർ നിരക്കിൽ ടിക്കറ്റ് ബുക്ക് ചെയ്യുന്നതിനുള്ള അവസാന ദിനം.
malayalam.goodreturns.in