വിമാനത്തിന്റെ ടയര്‍ പൊട്ടി റണ്‍വേയിലുണ്ടായ അപകടത്തെ തുടര്‍ന്ന് ഇന്നസെ മസ്കറ്റ് അന്താരാഷ്ട്ര വിമാനത്താവളം അടച്ചിട്ടു. ഇതിനെ തുടർന്ന് 12 ഓളം സര്‍വീസുകളാണ് മുടങ്ങിയത്. താല്‍കാലികമായി അടച്ചിട്ട വിമാനത്താവളത്തിന്റെ സർവ്വീസുകൾ പുനരാരംഭിച്ചു.

പ്രാദേശിക സമയം വൈകുന്നേരം നാല് മണിയോടെ റണ്‍വേയില്‍ വച്ചാണ് ഇറാനിയൻ വിമാനമായ ഖിഷം എയര്‍ വിമാനത്തിന്റെ ഒന്നിലധികം ടയറുകള്‍ പൊട്ടിയത്. തുടര്‍ന്ന് റണ്‍വേ അടച്ചിട്ടു. വിമാനം മാറ്റിയതിന് ശേഷമാണ് പിന്നീട് സര്‍വീസുകള്‍ പുനരാരംഭിച്ചത്.

പിന്നീട് വിമാനത്താവളത്തിന്റെ പ്രവര്‍ത്തനം പൂര്‍വസ്ഥിതിയിലായതായി അധികൃതര്‍ അറിയിച്ചു. വിമാനം സുരക്ഷിതമായി ലാന്റ് ചെയ്തുവെന്നും അപകടത്തിന് ശേഷം യാത്രക്കാരുടെയും ജീവനക്കാരുടെയും സുരക്ഷ ഉറപ്പുവരുത്തുന്നതിനായുള്ള എല്ലാ നടപടികളും പൂര്‍ത്തീകരിച്ചെന്നും അധികൃതര്‍ അറിയിച്ചു.

വിമാനത്താവളം അടച്ചിട്ടതോടെ 12 സര്‍വീസുകളുടെ പ്രവർത്തനത്തെ ബാധിച്ചതെന്നും അധികൃതർ അറിയിച്ചു. വിമാനത്തിന്റെ ടയർ പൊട്ടി മുമ്പും പലയിടങ്ങളിലും അപകടങ്ങൾ സംഭവിച്ചിട്ടുണ്ട്. എന്നാൽ ഇന്നലത്തെ അപകടത്തിൽ യാത്രക്കാരെല്ലാം സുരക്ഷിതരാണ്. പ്രതിവര്‍ഷം 20 ദശലക്ഷം യാത്രക്കാരെ കൈകാര്യം ചെയ്യാന്‍ ശേഷിയുള്ള പുതിയ ടെര്‍മിനല്‍ മസ്ക്കറ്റ് വിമാനത്താവളത്തിൽ ആരംഭിച്ചിരുന്നു.

malayalam.goodreturns.in