വൊഡാഫോൺ ഐഡിയ ലയനത്തിന് ശേഷം ഉപഭോക്താക്കളുടെ എണ്ണത്തിൽ വൻ കുറവ് രേഖപ്പെടുത്തി കൊണ്ടിരിക്കുകയാണ് വൊഡാഫോൺ. എന്നാൽ പ്ലാനുകളിൽ മാറ്റങ്ങൾ വരുത്തി ഉപഭോക്താക്കളെ പിടിച്ചു നിർത്താനുള്ള ശ്രമത്തിലാണ് കമ്പനി. ജിയോയും എയർടെല്ലും നൽകുന്നതു പോലെ പ്രീപെയ്ഡ്, പോസ്റ്റ് പെയ്ഡ് പ്ലാനുകളിൽ ഇളവുകൾ നൽകാനാണ് വൊഡാഫോണിന്റെയും പദ്ധതി.
പുതിയ പ്രീപെയ്ഡ് പ്ലാൻ
139 രൂപയുടെ ഏറ്റവും പുതിയ പ്രീപെയ്ഡ് പ്ലാനാണ് വൊഡാഫോൺ അവതരിപ്പിച്ചിരിക്കുന്നത്. കൂടുതൽ ഉപഭോക്താക്കളെ ആകർഷിക്കുന്നതിന്റെ ഭാഗമായാണ് നിരക്ക് ഇളവ് നൽകുന്നത്. 5ജിബി ഡേറ്റയാണ് 139 രൂപയുടെ റീച്ചാർജിലൂടെ ലഭിക്കുന്നത്. ഒരു മാസമാണ് കാലാവധി.
119 രൂപയുടെ പ്ലാൻ
119 രൂപയുടെ പ്ലാൻ അനുസരിച്ച് 1 ജിബി ഡേറ്റയും അൺലിമിറ്റഡ് കോളുമാണ് കമ്പനി നൽകുന്നത്. 28 ദിവസമാണ് ഈ ഓഫറിന്റെ കാലാവധി.
129 രൂപയുടെ പ്ലാൻ
129 രൂപയുടെ അടുത്ത പ്ലാനിൽ 1.5 ജിബി ഡേറ്റയും അൺലിമിറ്റഡ് കോളും ലഭിക്കും. 28 ദിവസമാണ് ഈ പ്ലാനിന്റെയും കാലാവധി.
169 രൂപയുടെ പ്ലാൻ
169 രൂപയുടെ പ്ലാൻ അനുസരിച്ച് ഉപഭോക്താക്കൾക്ക് ദിവസവും 1.5 ജിബി ഡേറ്റയാണ് ലഭിക്കുക. കൂടാതെ അൺലിമിറ്റഡ് കോളും ലഭിക്കും. 28 ദിവസമാണ് ഈ പ്ലാനിന്റെ കാലാവധി.
999 രൂപയുടെ പ്ലാൻ
ഡേറ്റ കുറച്ച് ഉപയോഗിക്കുന്നവർക്കായി 999 രൂപയുടെ പ്ലാനാണ് അവതരിപ്പിച്ചിരിക്കുന്നത്. ഒരു വർഷമാണ് ഈ പ്ലാനിന്റെ കാലാവധി. 12ജിബിയാണ് ഒരു വർഷത്തേയ്ക്ക് ലഭിക്കുന്ന ഡേറ്റ. ഈ പ്ലാനിൽ അൺലിമിറ്റഡ് ലോക്കൽ, എസ്ടിഡി, റോമിംഗ് കോളുകളും ലഭിക്കും. 100 എസ്എംഎസുകളും പ്രതിദിനം ലഭിക്കുന്നതാണ്.
malayalam.goodreturns.in