കോടികൾ മുടക്കി വാട്സ്ആപ്പ് വാങ്ങിയത് ഫേസ്ബുക്കിന് തലവേദനയാകുന്നു. ഫേസ്ബുക്കിന് ഏറ്റവും വലിയ വെല്ലുവിളി ഇന്ന് വാട്സ്ആപ്പാണ്. വാട്ട്സ്ആപ്പിന് കാര്യമായ വരുമാനമില്ലാത്തതും ഫേസ്ബുക്ക് ഉപഭോക്താക്കൾ വാട്ട്സ്ആപ്പിലേയ്ക്ക് പോകുന്നതുമാണ് തിരിച്ചടിയായിരിക്കുന്നതെന്ന് ഫേസ്ബുക്ക് മേധാവി മാർക്ക് സക്കർബർഗ് വ്യക്തമാക്കി.
കോടികൾ മുടക്കി വാങ്ങി
1900 കോടി ഡോളറിനാണ് (ഏകദേശം 1.32 ലക്ഷം കോടി രൂപയ്ക്കാണ്) സക്കർബർഗ് വാട്ട്സ്ആപ്പ് വാങ്ങിയത്. വാങ്ങുമ്പോൾ തന്നെ വാട്ട്സ്ആപ്പ് നഷ്ട്ടത്തിലായിരുന്നു. എന്നാൽ ഫേസ്ബുക്ക് ഏറ്റെടുത്ത ശേഷവും നഷ്ടം നികത്താനായില്ല.
ജനപ്രീതി കൂടുതൽ വാട്ട്സ്ആപ്പിന്
വരുമാനം കുറവാണെങ്കിലും ജനപ്രീതി കൂടുതൽ വാട്ട്സ്ആപ്പിനാണ്. ഇന്ത്യയിലെ ഫേസ്ബുക്ക് ഉപഭോക്താക്കളിൽ ഭൂരിപക്ഷവും കൂടുതൽ സമയം വാട്ട്സ്ആപ്പിൽ ചെലവാക്കാൻ തുടങ്ങിയതോടെ ഫേസ്ബുക്കും നഷ്ട്ടത്തിലായി. കൂടാതെ വാട്ട്സ്ആപ്പ് വഴിയുള്ള കേസുകളും വർദ്ധിച്ചു.
ഇന്ത്യയിലെ ഉപഭോക്താക്കൾ
ഫേസ്ബുക്കിന് ഏറ്റവും കൂടുതൽ ഉപഭോക്താക്കൾ ഉള്ളത് ഇന്ത്യയിലാണ്. 30 കോടി പേരാണ് ഇന്ത്യയിൽ ഫേസ്ബുക്ക് ഉപയോഗിക്കുന്നത്. എന്നാൽ വാട്ട്സ് ആപ്പിന്റെ വരവോടെ ഉപഭോക്താക്കളുടെ എണ്ണത്തിൽ കുറവുണ്ടായി. വാട്ട്സ്ആപ്പിന് 40 കോടി ഉപഭോക്താക്കളാണ് ഇന്ത്യയിലുള്ളത്.
ലാഭം പകുതിയായി
ഫെയ്സ്ബുക്കിന്റെ 2019 വര്ഷത്തെ ആദ്യപാദത്തിലെ ലാഭം മുന് വര്ഷത്തെ അപേക്ഷിച്ച് പകുതിയായി കുറഞ്ഞു. ജനുവരി മുതല് മാർച്ച് വരെയുള്ള ആദ്യപാദത്തിലെ ലാഭം 2.43 ബില്ല്യണ് കോടി ഡോളറാണ്. കഴിഞ്ഞ വർഷം ഇക്കാലയളവിൽ കമ്പനിയുടെ വരുമാനം 11.97 ബില്ല്യൻ ഡോളറായിരുന്നു.
malayalam.goodreturns.in