ദില്ലി: റിസര്വ്വ് ബാങ്ക് പുതിയ 20 രൂപ നോട്ടുകള് പുറത്തിറക്കുന്നു. മഹാത്മാ ഗാന്ധി ശ്രേണിയിലുള്ള നോട്ടുകള് റിസര്വ്വ് ബാങ്ക് ഗവര്ണര് ശക്തികാന്ത ദാസിന്റെ കൈയ്യൊപ്പോടുകൂടിയാകും പുറത്തിറങ്ങുക. പുതിയ നോട്ട് വന്നാലും പഴയ 20 രൂപ നോട്ടുകള് നിയമാനുസൃതമായി നിലനില്ക്കുമെന്ന് റിസര്വ്വ് ബാങ്ക് അറിയിച്ചു. പച്ചകലര്ന്ന മഞ്ഞ നിറത്തിലുള്ളതാണ് പുതിയ 20 രൂപ നോട്ടുകള്. രാജ്യത്തിന്റെ സാംസ്കാരിക പൈതൃകം വിളിച്ചോതുന്ന മഹാരാഷ്ട്രയിലെ പ്രശസ്തമായ എല്ലോറ ഗുഹയാണ് നോട്ടിലെ പ്രധാന പ്രമേയം. നോട്ടുകള്ക്ക് 6.3 സെന്റീമീറ്റര് വീതിയും 12.9 സെന്റീമീറ്റര് നീളവുമാകും ഉണ്ടാകുക.
ഉരുളക്കിഴങ്ങ് കേസ് തിരിച്ചടിയാവുമോ? പെപ്സികോ ബഹിഷ്ക്കരണ കാംപയിന് രാഷ്ട്രീയ പിന്തുണയേറുന്നു
നോട്ടിന്റെ ഇരുവശവും മറ്റ് ഡിസൈനുകളും, ജിയോമെട്രിക് പാറ്റേണുകളും ഉണ്ടാകും. വാട്ടര്മാര്ക്കിന് സമീപം വെര്ട്ടിക്കല് ബാന്ഡിന് നടുക്കായി ഒരു പൂവിന്റേതിന് സമാനമായ ഡിസൈനും പ്രിന്റ് ചെയ്തിട്ടുണ്ട്. വെളിച്ചതിന് നേരെ പിടിച്ചാല് മാത്രമേ ഇത് കാണാന് സാധിക്കുകയുള്ളു.
നോട്ടിന്റെ മുന്ഭാഗം ദോവനഗിരി ഫോണ്ടില് 20 എന്ന് എഴുതിയിരിക്കും. ഒപ്പം മഹാത്മാ ഗാന്ധിയുടെ ചിത്രവും. ആര്ബിഐ, ഭാരത് (ഹിന്ദി ഭാഷയില്), 20 എന്നിവ ഉണ്ടാകും. ഒപ്പം ഭാരത്, ആര്ബിഐ എന്നെഴുതിയ സെക്യൂരിറ്റി ത്രെഡും ഉണ്ടാകും. ഗാരന്റി ക്ലോസ്, ഗവര്ണറുടെ ഒപ്പിനോടൊപ്പമുള്ള പ്രോമിസ് ക്ലോസ്, ആര്ബിഐ എംബ്ലം, അശോക സ്തംഭം എന്നിവയുണ്ടാകും. മാഹാത്മാ ഗാന്ധിയുടെ ചിത്രം, ഇലക്ട്രോടൈപ്പ് (20) വാട്ടര്മാര്ക്ക്, നമ്പര് പാനല് (ചെറുതില് നിന്ന് തുടങ്ങി വലുതാകുന്ന തരത്തില്) എന്നിവയുമുണ്ടാകും.
പിന്വശത്ത് ഇടത് ഭാഗത്തായി നോട്ട് അച്ചടിച്ച് വര്ഷം രേഖപ്പെടുത്തിയിരിക്കും. സ്വച്ഛ് ഭാരത് ലോഗോയും മുദ്രാവാക്യവും ഇതിലുണ്ട്. നോട്ടുകള് ഉടന് പുറത്തിറക്കുമെന്ന് റിസര്വ്വ് ബാങ്ക് ഗവര്ണര് അറിയിച്ചു. മഹാത്മാഗാന്ധി ശ്രേണിയിലുള്ള പുതിയ 200, 500 നോട്ടുകളും കൂടി അച്ചടിച്ചിറക്കാനുള്ള ഒരുക്കത്തിലാണ് ആര്ബിഐ.