Mukesh Ambani backs Congress' Milind Deora, son Anant attends Narendra Modi's rally

മുകേഷ് അംബാനിയുടെ മകൻ ആനന്ദ് അംബാനി കഴിഞ്ഞ ദിവസം നടന്ന പ്രധാനമന്ത്രി നരേന്ദ്ര മോദിയുടെ തെരഞ്ഞെടുപ്പ് റാലിയിൽ പങ്കെടുത്തു. പിതാവ് മുകേഷ് അംബാനി കഴിഞ്ഞ ദിവസം മുംബൈ സൗത്ത് മണ്ഡലത്തിലെ കോൺഗ്രസ് സ്ഥാനാർഥി മിലിന്ദ് ദേവ്റയെ പിന്തുണച്ച് രംഗത്തെത്തിയതിന് പിന്നാലെയാണ് മകൻ മോദിയുടെ റാലിയിൽ പങ്കെടുത്തത്.

സദസിലെ ആദ്യത്തെ നിരയിൽ തന്നെയായിരുന്നു ആനന്ദ് അംബാനി സ്ഥാനം പിടിച്ചത്. മോദിയെ കേൾക്കാനും രാജ്യത്തെ പിന്തുണയ്ക്കാനുമാണ് താനിവിടെ എത്തിയതെന്നായിരുന്നു ആനന്ദ് അംബാനിയുടെ പ്രതികരണം.

മുകേഷ് അംബാനിയുടെ മകൻ നരേന്ദ്ര മോദിയുടെ റാലിയിൽ പങ്കെടുത്തതെന്തിന്?

കഴിഞ്ഞ ദിവസം മുംബൈ സൗത്ത് മണ്ഡലത്തിലെ കോൺഗ്രസ് സ്ഥാനാർഥി മിലിന്ദ് ദേവ്റയെ പിന്തുണച്ച് റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി രംഗത്തെത്തിയിരുന്നു. ഇതാദ്യമായാണ് മുകേഷ് അംബാനി പരസ്യമായി ഒരു സ്ഥാനാർഥിയെ പിന്തുണച്ച് രംഗത്തെത്തുന്നത്.

സ്ഥാനാർഥി പുറത്ത് വിട്ട വീഡിയോയിലാണ് മുകേഷ് പിന്തുണ അറിയിക്കുന്നത്. അതേ സ്ഥാനാർത്ഥി തന്നെയാണ് തന്‍റെ ഔദ്യോഗിക ട്വിറ്റർ അക്കൗണ്ടിലൂടെയാണ് വീഡിയോ പുറത്ത് വിട്ടത്.

malayalam.goodreturns.in

English summary