തുടർച്ചയായ രണ്ട് ദിവസമായി രാജ്യത്തെ പ്രധാന നഗരങ്ങളിൽ പെട്രോൾ, ഡീസൽ വിലയിൽ മാറ്റമില്ല. തലസ്ഥാന ന​ഗരമായ ഡൽഹിയിൽ പെട്രോളിന് ലിറ്ററിന് 73 രൂപയും ഡീസലിന് 66.66 രൂപയുമാണ് ഇന്നത്തെ നിരക്ക്. ഇന്നലെയും ഇതേ വിലയിക്കാണ് വിൽപ്പന നടന്നത്. എന്നാൽ കേരളത്തിൽ പെട്രോളിനും ഡീസലിനും ഓരോ പൈസ വർദ്ധിച്ച് പെട്രോൾ ലിറ്ററിന് 76.23 രൂപയും, ഡീസൽ ലിറ്ററിന് 71.57 രൂപയുമാണ് വില.

നികുതി കുറച്ചതിനെ തുടർന്ന് ഇന്ത്യയിലെ പ്രധാന മെട്രോ നഗരങ്ങളെയും മറ്റ് സംസ്ഥാനങ്ങളെയും താരതമ്യപ്പെടുത്തുമ്പോൾ ഇന്ധന വില ഏറ്റവും കുറവ് ഡൽ​ഹിയിലാണ്. ഇന്ത്യൻ ഓയിൽ കോർപ്പറേഷൻ വെബ്സൈറ്റിലെ വില വിവരത്തിന്റെ അടിസ്ഥാനത്തിൽ കൊൽക്കത്തയിൽ പെട്രോൾ ലിറ്ററിന് 75.04 രൂപയും ഡീസലിന് ലിറ്ററിന് 68.40 രൂപയുമാണ് വില.

മുംബൈയിൽ പെട്രോൾ ലിറ്ററിന് 78.59 രൂപയ്ക്കും, ഡീസൽ ലിറ്ററിന് 69.81 രൂപയ്ക്കുമാണ് വിൽക്കുന്നത്. തിങ്കളാഴ്ച വിലയുമായി താരതമ്യം ചെയ്യുമ്പോൾ ഇന്നത്തെ വിലയുമായി യാതൊരു മാറ്റവുമില്ല. ഒരു ലിറ്റർ പെട്രോളിന് 75.79 രൂപയാണ് ചെന്നൈയിലെ വില. ഡീസലിന് 70.43 രൂപ നൽകണം.

നോയ്ഡയിലും പെട്രോളിന് വില 72.34 രൂപയും ഡീസൽ വില 65.72 രൂപയുമാണ്. ഗുരുഗ്രാമിൽ പെട്രോൾ, ഡീസൽ വില യഥാക്രമം 72.85, 65.80 എന്നിങ്ങനെയാണ്. ഇന്നലത്തെ അതേ വില തന്നെയാണ് ഇവിടെ ഇന്നും ഈടാക്കുന്നത്. രാജ്യത്ത് ഇന്ധന വില ആഗോള ക്രൂഡ് വിലയെ ആശ്രയിച്ചാണ് മാറുന്നത്. കൂടാതെ രൂപ - ഡോളർ വിനിമയ നിരക്കും നാണയപ്പെരുപ്പവും വിലയെ ബാധിക്കുന്ന ഘടകങ്ങളാണ്. ക്രൂഡ് ഓയിൽ ആവശ്യകതയിൽ 80 ശതമാനവും നിലവിൽ ഇന്ത്യ ഇറക്കുമതി ചെയ്യുകയാണ്. അന്താരാഷ്ട്ര ബ്രെന്റ് ക്രൂഡിന്റെ വില ബാരലിന് 71.16 ഡോളർ ആണ്.

malayalam.goodreturns.in