Just In
-
-
-
-
Don't Miss
-
സേഫ്റ്റിയേക്കാള് വലുതാണോ വില? സുരക്ഷ കുറവായിട്ടും ആളുകള് ചോദിച്ച് വാങ്ങുന്ന 3 കാറുകള് -
ഇറാനെ തൊട്ടാല് എല്ലാം തകിടം മറിയും; അമേരിക്ക ഭയക്കുന്നു? എന്തുകൊണ്ട് എണ്ണ തടയുന്നില്ല... -
'കടയിൽ പോയി അണ്ടർവെയർ വാങ്ങാൻ പറ്റാത്തയവസ്ഥ, ബാംഗ്ലൂരിൽ ലിവിങ് ടുഗെതറായിരുന്നു, കല്യാണത്തിന് അച്ഛൻ വന്നില്ല' -
T20 World Cup 2024: ഡിക്കെയുടെ 'ട്രാപ്പില്' വീഴരുത്! ലോകകപ്പിലെടുത്താല് പണിയുറപ്പ്, 2022 മറന്നോ? -
ചാണക്യനീതി: പാമ്പിനെ പാലൂട്ടുന്നതിന് സമം, ഇവരെ കൂടെക്കൂട്ടിയാല് പ്രശ്നം നിഴല് പോലെ കൂടെ -
പൊന്നു ചങ്ങായിമാരേ വേഗം രക്ഷപ്പെട്ടോളീൻ...! ഗൂഗിൾ കൈയൊഴിഞ്ഞു, ഈ 3 ആപ്പുകൾ ഉടൻ ഡിലീറ്റ് ചെയ്യാൻ നിർദേശം -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
അബുദാബി ബിഗ് ടിക്കറ്റ് നറുക്കെടുപ്പില്‍ 1.5 കോടി ദിര്‍ഹത്തിന്റെ (ഏകദേശം 28 കോടിയിലധികം ഇന്ത്യന്‍ രൂപ) ഒന്നാം സമ്മാനം ലഭിച്ച മലയാളിയെ കണ്ടെത്തി. ഷാര്‍ജയില്‍ ജോലി ചെയ്യുന്ന കെ.എസ് ഷോജിത്തിനാണ് നറുക്കെടുപ്പിലൂടെ സമ്മാനം ലഭിച്ചത്. നറുക്കെടുപ്പ് നടന്ന വേദിയില്‍ വച്ചു തന്നെ ബിഗ് ടിക്കറ്റ് സംഘം പല തവണ ഷോജിത്തിനെ വിളിച്ചിരുന്നെങ്കിലും ഫോണിൽ ലഭിച്ചിരുന്നില്ല.
തുടര്‍ന്ന് ഷോജിത്തിന് വിവരമറിയിക്കാന്‍ ബിഗ് ടിക്കറ്റ് സംഘം അദ്ദേഹത്തിന്റെ ജോലി സ്ഥലത്തേക്ക് നേരിട്ട് എത്തുകയായിരുന്നു. ജോലി സംബന്ധമായി ഇറ്റലിയ്ക്ക് പോയിരുന്നതിനാലാണ് ഷോജിത്തിനെ ഫോണിൽ ബന്ധപ്പെട്ടിട്ട് കിട്ടാതിരുന്നത്. ഏപ്രിൽ ഒന്നിനാണ് ഷോജിത്ത് സമ്മാനാർഹമായ ടിക്കറ്റ് എടുത്തത്. 030510 എന്ന നമ്പറിനാണ് ലോട്ടറി അടിച്ചത്.
ലഭിച്ച സമ്മാന തുക 12 വെയർഹൗസ് ജീവനക്കാർക്ക് കൂടി പങ്കുവയ്ക്കാനാണ് ഷോജിത്തിന്റെ തീരുമാനം. മൂന്നാം തവണയാണ് ഷോജിത്ത് ബിഗ് ടിക്കറ്റ് എടുക്കുന്നത്. മറ്റ് തൊഴിലാളികളുടെ ജീവിത നിലവാരം കൂടിയ ഉയർത്തുന്നതിൽ സന്തോഷമുണ്ടെന്ന് ഷോജിത്ത് വ്യക്തമാക്കി. നെറുക്കെടുപ്പില്‍ ഇന്ത്യക്കാരനായ മങ്കേഷ് മെയ്‌ന്ദെയ്ക്ക് ബി.എം.ഡബ്ല്യൂ 220ഐ കാര്‍ ലഭിച്ചു. എട്ട് ഇന്ത്യക്കാര്‍ക്കും ഒരു പാകിസ്താനിക്കും സമാശ്വാസ സമ്മാനങ്ങള്‍ ലഭിച്ചുവെന്നും കമ്പനി വ്യക്തമാക്കിയിരുന്നു.
കഴിഞ്ഞ മാസം 18 കോടിയുടെ ഒന്നാം സമ്മാനം നേടിയത് മംഗളുരു സ്വദേശി രവീന്ദ്ര ബോലൂറിനാണ്. സമ്മാന ലഭിച്ച വിവരം അറിയിക്കാന്‍ അബുദാബിയിലെയും ഇന്ത്യയിലെയും ഇയാളുടെ ഫോണ്‍ നമ്പറുകളില്‍ വിളിച്ചെങ്കിലും ബന്ധപ്പെടാനായിരുന്നില്ല. ഒടുവിൽ ബിഗ് ടിക്കറ്റ് അധികൃതര്‍ ഫേസ്ബുക്കില്‍ വീഡിയോ പോസ്റ്റ് ചെയ്തതിനെ തുടർന്നാണ് ആളെ കണ്ടെത്തിയത്. നാട്ടിലേയ്ക്ക് പോരവേ എയർപോർട്ടിൽ വച്ച് എടുത്ത ടിക്കറ്റിനാണ് ഇയാൾക്ക് സമ്മാനം ലഭിച്ചത്.
malayalam.goodreturns.in
