ബിറ്റ്‌കോയിന്‍ കുതിപ്പ് തുടരുന്നു; മൂല്യം 7500 ഡോളറിലേക്ക്

By
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

വാഷിംഗ്ടണ്‍: തകര്‍ച്ചയുടെ ഒരു വര്‍ഷത്തിനു ശേഷം തിരിച്ചുവരവിന്റെ പാതയില്‍ അതിവേഗം മുന്നേറുകയാണ് ക്രിപ്റ്റോകറന്‍സിയായ ബിറ്റ്കോയിന്‍. കഴിഞ്ഞ ഒന്‍പത് മാസത്തിനിടയിലെ ഏറ്റവും വലിയ വിലയാണ് ഞായറാഴ്ചത്തെ വ്യാപാരം തുടങ്ങിയപ്പോള്‍ ബിറ്റ്‌കോയിന്‍ കൈവരിച്ചത്. കഴിഞ്ഞ ആഗസ്തിനു ശേഷം ആദ്യമായി 7500 ഡോളറെന്ന മികച്ച നേട്ടം കൈവരിക്കാന്‍ ഞായറാഴ്ച വെര്‍ച്വല്‍ കറന്‍സിക്ക് കഴിഞ്ഞു. 2019ലെ ഏറ്റവും വലിയ മൂല്യമാണ് ബിറ്റ്കോയിന്‍ ഇന്നു രേഖപ്പെടുത്തിയത്.

 

ഞായറാഴ്ച വ്യാപാരം തുടങ്ങിയത് മൂല്യം 6.9 ശതമാനം ഉയര്‍ന്ന് 7445 ഡോളറെന്ന നിരക്കിലാണെന്ന് ക്രിപ്റ്റോകറന്‍സി എക്സ്ചേഞ്ചായ കോയിന്‍ബെയ്സ് അറിയിച്ചു. കഴിഞ്ഞ വെള്ളിയാഴ്ച മുതല്‍ ബ്ലൂംബര്‍ഗ് ഗാലക്‌സി ക്രിപ്‌റ്റോ സൂചികയിലെ അഞ്ച് അംഗങ്ങളും 10 ശതമാനം വളര്‍ച്ചയാണ് കൈവരിച്ചത്.

 
ബിറ്റ്‌കോയിന്‍ കുതിപ്പ് തുടരുന്നു; മൂല്യം 7500 ഡോളറിലേക്ക്

കഴിഞ്ഞ ഡിസംബറിലെ ഏറ്റവും വലിയ തകര്‍ച്ചയില്‍ നിന്ന് നിന്ന് കരകയറിയ ബിറ്റ്കോയിന്റെ വില ഞായറാഴ്ചത്തോടെ അന്നത്തെ വിലയുടെ ഇരട്ടിയിലേറെയായി ഉയര്‍ന്നു. ഇത് ആറാമത്തെ ദിവസമാണ് ഏറ്റവും വലിയ ക്രിപ്‌റ്റോ കറന്‍സിയുടെ വില കുതിച്ചുയരുന്നത്.

2017ലെ 19,000 ഡോളറെന്ന ഏറ്റവും ഉയര്‍ന്ന നിലയില്‍ നിന്ന് തകര്‍ച്ചയാരംഭിച്ച ബിറ്റ്‌കോയിന്‍, അന്താരാഷ്ട്ര തലത്തില്‍ നിലനില്‍ക്കുന്ന സാമ്പത്തിക അനിശ്ചതത്വത്തിന്റെ പശ്ചാത്തലത്തിലാണ് പുതിയ തിരിച്ചുവരവ് നടത്തുന്നതെന്നാണ് വിലയിരുത്തപ്പെടുന്നത്. ചൈനയും അമേരിക്കയും തമ്മിലുള്ള വ്യാപാരയുദ്ധം രൂക്ഷമായത് ആഗോളതലത്തില്‍ വലിയ പ്രതിസന്ധികള്‍ സൃഷ്ടിച്ചിരുന്നു.

ഓണ്‍ലൈന്‍ വഴിയും മൊബൈല്‍ ആപ്പുകള്‍ വഴിയും വിനിമയം ചെയ്യുന്ന കറന്‍സിയാണ് ബിറ്റ്കോയിന്‍. അതുകൊണ്ടുതന്നെ നിയതമായ ഒരു രൂപമോ ഘടനയോ ബിറ്റ് കോയിനില്ല. ഡിജിറ്റലായി മാത്രമേ ബിറ്റ് കോയിന്‍ വാങ്ങാനും വില്‍ക്കാനും കഴിയൂ എന്നതാണ് ഇതിന്റെ സവിശേഷത. അതേസമയം നിയമാനുസൃതമായ ചട്ടക്കൂടില്ലാത്തതിനാല്‍ ബിറ്റ് കോയിന്റെ വിനിമയം റിസര്‍വ് ബാങ്ക് പ്രോത്സാഹിപ്പിക്കുന്നില്ല.

ലോക്‌സഭാ തെരഞ്ഞെടുപ്പ്: ബിജെപി ഫെയ്‌സ്ബുക്ക് പരസ്യങ്ങള്‍ക്ക് ചെലവഴിച്ചത് കോണ്‍ഗ്രസിനേക്കാള്‍ 37 ഇരട്ടി തുകലോക്‌സഭാ തെരഞ്ഞെടുപ്പ്: ബിജെപി ഫെയ്‌സ്ബുക്ക് പരസ്യങ്ങള്‍ക്ക് ചെലവഴിച്ചത് കോണ്‍ഗ്രസിനേക്കാള്‍ 37 ഇരട്ടി തുക

എവിടെ വെച്ച് ആര് വിനിമയം ചെയ്യുന്നുവെന്ന് വ്യക്തമല്ലാത്തതിനാല്‍ തര്‍ക്കങ്ങളോ പരാതികളോ ഉണ്ടായാല്‍ പരിഹരിക്കാന്‍ സംവിധാനങ്ങളുമില്ല. ബിറ്റ്കോയിന്‍ കൈകാര്യം ചെയ്യുന്ന കമ്പനികളുള്‍ക്കോ വ്യക്തികള്‍ക്കോ ഒരു സാമ്പത്തിക സേവനവും നല്‍കരുത് ആര്‍ബിഐ അനുബന്ധ സ്ഥാപനങ്ങള്‍ക്ക് നിര്‍ദ്ദേശം നല്‍കിയിട്ടുണ്ട്.

English summary

bitcoin continues its growth

bitcoin continues its growth
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X