ബഡ്ജറ്റ് എയർലൈനായ ​ഗോ എയറിൽ ആഭ്യന്തര സർവീസുകൾക്ക് വൻ നിരക്കിളവ്. എസി ബസിൽ ടിക്കറ്റ് ബുക്ക് ചെയ്യുന്നതിലും ലാഭകരമാണ് നിലവിലെ ഓഫർ നിരക്കിൽ ​ഗോ എയറിൽ ടിക്കറ്റ് ബുക്ക് ചെയ്യുന്നത്. 1375 രൂപ മുതലാണ് ടിക്കറ്റുകൾ ലഭ്യമാകുക. മേയ് 16 വരെയാണ് ഈ ഓഫർ നിരക്കിൽ ടിക്കറ്റ് ബുക്ക് ചെയ്യുന്നതിനുള്ള അവസരം. ഒക്ടോബർ 6 വരെയുള്ള യാത്രകൾക്ക് ഇതേ നിരക്കിൽ മുൻകൂട്ടി ടിക്കറ്റ് ബുക്ക് ചെയ്യാവുന്നതാണ്.

ബാ​ഗ്ഡോ​ഗ്ര - ​ഗുവഹാട്ടി റൂട്ടിലാണ് 1375 രൂപയുടെ ഏറ്റവും കുറഞ്ഞ നിരക്കുള്ള ടിക്കറ്റുകൾ ലഭിക്കുക. അഹമ്മദാബാദിൽ നിന്ന് ബാം​ഗ്ലൂരിലേയ്ക്ക് 2599 രൂപയ്ക്ക് ടിക്കറ്റുകൾ ലഭിക്കും. ജൂലൈ 15 മുതൽ 18 വരെയാണ് ഈ നിരക്കിൽ ടിക്കറ്റ് ലഭിക്കുക. എന്നാൽ ബാം​ഗ്ളൂരിൽ നിന്നന് അഹമ്മദാബാദിലേയ്ക്കുള്ള ടിക്കറ്റിന് 3938 രൂപ നൽകണം. അഹമ്മദാബാദിൽ നിന്ന് ചെന്നൈയിലേയ്ക്ക് 3,348 രൂപയാണ് നിരക്ക്. ജൂണ് വരെയുള്ള ടിക്കറ്റുകൾ ഈ നിരക്കിൽ ബുക്ക് ചെയ്യാം.

അഹമ്മദാബാദിൽ നിന്ന് മുംബൈയിലേയ്ക്ക് 1,899 രൂപയാണ് ടിക്കറ്റ് നിരക്ക്. ജൂലൈ ഒന്നു മുതൽ ജൂലൈ 31 വരെയാണ് യാത്രാ കാലാവധി. മുംബൈയിൽ നിന്ന് കൊച്ചിയിലേയ്ക്ക് 2999 രൂപയാണ് ടിക്കറ്റ് നിരക്ക് ഒക്ടോബർ ഒന്നു മുതൽ ആറ് വരെ ഈ നിരക്കിൽ യാത്ര ചെയ്യാം. എന്നാൽ കൊച്ചിയിൽ നിന്ന് മുംബൈയിലേയ്ക്ക് 1999 രൂപയ്ക്ക് ടിക്കറ്റ് ലഭിക്കും. ജൂലൈ ഒന്ന് മുതൽ 31 വരെയാണ് കാലാവധി.

​ഗോ എയറിന്റെ മൊബൈൽ ആപ്ലിക്കേഷനിലൂടെ ടിക്കറ്റുകൾ ബുക്ക് ചെയ്യുന്നവർക്ക് മറ്റ് പ്രത്യേക ഓഫറും കമ്പനി നൽകുന്നുണ്ട്. ആപ്പ് വഴി ടിക്കറ്റ് ബുക്ക് ചെയ്താൽ യാത്രക്കാർക്ക് 10 ശതമാനം ഡിസ്കൗണ്ട് വരെ ലഭിക്കും. ടിക്കറ്റുകൾ ബുക്ക് ചെയ്യാനും സീറ്റുകൾ തെരഞ്ഞെടുക്കാനും, പ്രീ-ബുക്ക് റീഫ്രഷ്മെന്റ്സ്, പേയ്മെൻറ് എന്നിവ നടത്താനും ആപ്പ് വഴി സാധിക്കും. ആഭ്യന്തര ബുക്കിംഗിന് ഇളവ് ലഭിക്കുന്നതിന് പ്രോമോ കോഡ് ആയ GOAPP10 നൽകാവുന്നതാണ്.

 malayalam.goodreturns.in