​​ഗൂ​ഗിൾ പേ വഴി പണമിടപാട് നടത്തുന്നവർക്ക് ഉ​ഗ്രൻ ക്യാഷ്ബാക്ക് ഓഫർ

2017 സെപ്തംബർ 18 ന് ​ഗൂ​ഗിൾ തേസ് എന്ന പേരിലാണ് ഗൂഗിൾ പെയ് ഇന്ത്യയിൽ പുറത്തിറക്കിയത്. ഓരോ മാസവും 25 മില്ല്യൺ സജീവ ഉപയോക്താക്കളാണ് ഗൂഗിൾ പേയ്ക്ക് ഇന്ത്യയിൽ ഉള്ളത്. 2018ൽ സെർച്ച് എഞ്ചിൻ ഭീമനായ ​ഗൂ​ഗിൾ, ​ഗൂ​ഗിൾ പേ വഴി 1.4 ബില്ല്യൺ ഡോളറിന്റെ വരുമാനമാണ് ഇന്ത്യയിൽ നിന്ന് ഉണ്ടാക്കിയത്. കമ്പനിയുടെ പ്രധാനപ്പെട്ട മാർക്കറ്റുകളിലൊന്നാണ് ഇപ്പോൾ ഇന്ത്യ. ഗൂ​ഗിൾ പേ വഴി ട്രെയിൻ ടിക്കറ്റുകൾ ബുക്ക് ചെയ്യുന്നതിനുള്ള സൗകര്യം ഈ വർഷം ആദ്യം നടപ്പിവാക്കിയിരുന്നു.

റിസർവ് ബാങ്കിന്റെ അനുമതിയില്ലാതെയാണ് രാജ്യത്ത് ​ഗൂഗിള്‍ പേ പ്രവർത്തിക്കുന്നതെന്ന് ചൂണ്ടിക്കാട്ടി അഭിജിത് മിശ്ര എന്നയാൾ പൊതു താൽപര്യ ഹർജി കോടതിയിൽ ഫയൽ ചെയ്തിരുന്നു. 2019 മാർച്ച് 20ന് പുറത്തിറക്കിയ റിസർവ് ബാങ്കിന്റെ സാമ്പത്തിക ഇടപാടുകൾ‌ക്കുള്ള അംഗീകൃത ഓപ്പറേറ്റർമാരുടെ പട്ടികയിൽ ഗൂഗിൾ പേ ഉൾ‌പ്പെടുന്നില്ല. അതുകൊണ്ട് പെയ്മെന്റ് ആൻഡ് സെറ്റിൽമെന്റ് ആക്ടിന്റെ ലംഘനമാണ് ​ഗൂ​ഗിൾ പേ നടത്തുന്നതെന്നായിരുന്നു ഹർജിക്കാരന്റെ വാദം. ​

 malayalam.goodreturns.in