ട്രെയിൻ യാത്രക്കാരുടെ ശ്രദ്ധയ്ക്ക്; ടിക്കറ്റുകൾ ബുക്ക് ചെയ്യാനും ക്യാൻസൽ ചെയ്യാനും സാധിക്കില്ല

ഈ ആഴ്ച്ച ആദ്യം തത്ക്കാൽ ട്രെയിൻ ടിക്കറ്റുകൾ ബുക്ക് ചെയ്യുന്നതിനും തടസ്സം നേരിട്ടിരുന്നു. അതിനു പിന്നാലെയാണ് ഇപ്പോൾ ഐആർസിടിസി വഴിയുള്ള എല്ലാ വിധ ഓൺലൈൻ സേവനങ്ങളും പ്രവർത്തന രഹിതമായിരിക്കുന്നത്. മെയിന്റനൻസ് കാരണം ഇ - ടിക്കറ്റിംഗ് സേവനം ലഭ്യമല്ലെന്നും പിന്നീട് വീണ്ടും ശ്രമിക്കുവാനുമാണ് ഉപഭോക്താക്കൾക്ക് നിർദ്ദേശം ലഭിക്കുന്നത്.

ടിക്കറ്റുകൾ ക്യാൻസൽ ചെയ്യാൻ കസ്റ്റമർ കെയർ നമ്പറുകളായ 0755-6610661, 0755-4090600, 0755-3934141 ഇവയിൽ ഏതെങ്കിലും ഒന്നിൽ ബന്ധപ്പെടാവുന്നതാണ്. അല്ലെങ്കിൽ eticketirctc.co.in എന്ന മെയിൽ ഐഡിയിലേയ്ക്ക് മെസേജുകൾ അയച്ചും ബന്ധപ്പെടാമെന്ന് ഇന്ത്യൻ റെയിൽവേ അറിയിച്ചു. ട്രെയിൻ ടിക്കറ്റുകൾ ബുക്ക് ചെയ്യുന്നതിനും ക്യാൻസൽ ചെയ്യുന്നതിനും ഇന്ന് ഏറ്റവുമധികം ആളുകൾ ഉപയോ​ഗിക്കുന്നത് ഐആർസിടി വെബ്സൈറ്റാണ്.

malayalam.goodreturns.in